သီတဂူဆရာတော်နာမည်သုံး ခုတုံးလုပ်စားနေကြသည် သတိထား (ဖြစ်ရပ်မှန် ကိုယ်တွေ့ )
Posted on 2/13/2012 by
shweyoat
၁၁.၂.၂၀၁၂ ရက်နေ့ နေ့လည်ကလေ ရွှေရုပ်ဆီကို ဖုန်းလာပါတယ်
“..၀၉၇၃၀…….” ကလားခင်ဗျာ
“ဟုတ်ကဲ့ပါရှင့်”
“ကျွန်တော်တို့က မိုးယံရွှေလမင်းနဲ့မြတ်ဆုကဋေထီဆိုင်ကပါ လွန်ခဲ့တဲ့သုံးလေးလလောက်က အမ ကျွန်တော်တို့ထီဆိုင်မှာထီထိုးထားပါသေးလားခင်ဗျာ”
ရွှေရုပ်ရင်တွေ အရမ်းခုန်သွားပါတယ်။ ထီပေါက်ပြီလားလို့ပေါ့ ။မျက်နှာက ချက်ချင်းကြီးဖြီးကျသွားပါတယ် ဖွဟဲ့ သိန်းဂဏန်းလောက်တော့ အသာလေးဖြစ်ပါစေ ။အသံကလဲ တော်တော်ချိ်ုသွားတာကို ကိုယ့်ဘာသာကိုယ်သတိထားမိသွားတယ်။
“ဟုတ် ထိုးတာပေါ့ရှင်”
“အမကို ၀မ်းသာစရာစကားပြောမလို့ပါ ”
“ရှင် ဟုတ်ကဲ့ ဟုတ်ကဲ့ ”
“အမထီပေါက်လို့တော့မဟုတ်ပါဘူး”
“ဟင်….”
ဒါများဘာဝမ်းသာစရာကောင်းလို့လဲ ။ ဟွန်း….
“ဒါပေမယ့် အမ ကျွန်တော်တို့ဆီက ကံစမ်းမဲပေါက်ပါတယ်ခင်ဗျ အမကို ကျွန်တော်တို့ဝန်ထမ်းတွေ အကြောင်းမကြားခဲ့တာ ကျွန်တော်တို့ရဲ့ပေါ့လျှော့မှုမို့တောင်းပန်ပါတယ်ခင်ဗျ”
“ဟုတ်ကဲ့ ရပါတယ်ရှင့်”
ဟယ် ကံစမ်းမဲပေါက်တယ်ဆိုဘဲ အနည်းဆုံးတော့ CDMAဖုန်း လောက်ဖြစ်ပါစေ…ဟိဟိဟိ…..
ရွှေရုပ်အူမြူးလာပါတယ်။ ပျော်လိုက်တာ ။
“အမပေါက်တာ ၄၂လက်မ ဖလက်တီဗွီ တိုရှီဘာပါခင်ဗျ”
“သြော် ဟုတ်ကဲ့ပါရှင့်”
ဖုန်းတော့မဟုတ်ဘူးဘဲ အို လေးဆယ့်နှစ်လက်မဆိုလဲ အနည်းဆုံးလေးသိန်းလောက်တန်မယ်ထင်တာဘဲ …
“ဟယ်လို ဟယ်လို……အယ် ….ဟယ်လို”
အဲ့အချိန်မှာဘဲရွှေရုပ်ဖုန်းလိုင်းကျသွားပါတယ်။ အိမ်ကိုတော့အမြန်သွားမှပါ။ ၄၂ နှစ်လက်မ ဖလက်တီဗွီဆိုတော့လဲလေ။အိမ်ရောက်တော့လဲ မျက်နှာပိုးကမသေပါဘူး သြော် ၄၂ လက်မပါဆိုမှလေ ။အဖေ့ကို ခြံထိပ်မှာတွေ့တယ် အဖေအပြင်ထွက်ဖို့လောကြီးနေတာနဲ့ ဘာမှမပြောဖြစ်လိုက်ဘူး ပါးစပ်တပြင်ပြင်နဲ့ အိမ်ထဲရောက်တော့
“မေမေ သမီးခုအရမ်းကံကောင်းနေတယ်သိလား …နေဦးဖုန်းဆက်လိုက်ဦးမယ် ဟိဟိ”
“ဘာဖြစ်လို့လဲသမီးရဲ့ ”
“သမီးကံစမ်းမဲပေါက်တာလေ ၄၂လက်မ ဖလက်တီဗွိ မေမေရဲ့ ”
“ဟယ်…”
အမေလဲ ခုနက ရွှေရုပ်ပြုံးဖြီးဖြီးဖြစ်သလိုမျိုး ဖြစ်သွားပါတယ်။ ရွှေရုပ်လဲ ရှိသမျှသွားသုံးဆယ့်နှစ်ချောင်း အပြင်ထုတ်ပြီး အိမ်ဖုန်းကနေ ခုန ဟန်းဖုန်းမှာပေါ်တဲ့ ဂဏန်းတွေကိုနိုပ်လိုက်ပါတယ်။
“ဟဲလို ခုနက ကံစမ်းမဲပေါက်တဲ့သူပါ”
“သြော်ဟုတ်ကဲ့ပါခင်ဗျာ ကျွန်တော်ဖုန်းပြန်ခေါ်ပါသေးတယ် အမရဲ့ ဖုန်းနံပါတ်က ဧရိယာပြင်ပရောက်နေတယ်ဆိုတာနဲ့လေ ဒါနဲ့ နာမည်လေးတစ်ချက်လောက်ပြောပေးပါလား ”
အယ် သေရော ငါ ထီထိုးတုန်းက ဘာနာမည်နဲ့ပေးခဲ့ပါလိမ့်နော် ။နာမည်အရင်းပေးထားတာနေမယ်
“ရွှေရုပ်ပါ”
“သြော်ဟုတ်ကဲ့ ရွှေရုပ်ဆိုရင် မှန်ပါတယ် ..စိတ်မရှိပါနဲခင်ဗျာ ကျွန်တော်တို့ဘက်ကလဲသေချာအောင် စစ်ရတာပါ ကံစမ်းတဲ့သူပေါင်းတစ်သိန်းထဲမှ ဆုကြီးပေါက်တဲ့သူက နှစ်ထောင်ကျော်ဘဲရှိတယ် ခင်ဗျ ”
“သြော် ဟုတ်ကဲ့ပါရှင့် ကျေးဇူးတင်ပါတယ်။”
အိုငါတော်တော်ကံထူးတာဘဲ ။တစ်သိန်းထဲက အယောက်နှစ်ထောင်ဆိုတော့
“ဒါနဲ့ ကျမကအဲ့ဆုကို ဘယ်မှာလာထုတ်ရမှာလဲရှင့် ”
“သြော် အဲ့ကိစ္စတော့ မပူပါနဲ့ခင်ဗျာ ကျွန်တော်တို့က ဆုရတဲ့သူတွေကို အိမ်တိုင်ရာရောက် ပို့ပေးမယ့်အစီစဉ်ရှိပါတယ်။ လိပ်စာလေးသာ ပေးစေလိုပါတယ်”
“အို…အဲ့ဒါဆို ပိုပြီးကျေးဇူးတင်ပါတယ် လမ်းနံပါတ်က(&hellip
နဲ့ ( )ရပ်ကွက် မှာပါ မှော်ဘီမှာပါဘဲရှင့်။ ”
“ဟုတ်ကဲ့ပါ အမ ကျွန်တော်တို့ မိုးယံ ရွှေလမင်းနဲ့ မြတ်ဆုကုဋေ သူဌေးနဲ့ စကားပြောချင်စိတ်များရှိ
မလားခင်ဗျာကျွန်တော်တို့သူဌေးက ဆုရတဲ့သူတွေကို ဂုဏ်ပြုစကားပြောချင်လို့ပါတဲ့”
“သြော် ပြောမှာပေါ့ရှင် ။”
လေးဆယ့်နှစ်လက်မတီဗွီနဲ့ ရွှေရုပ်တစ်ယောက် အာသွက်လျှာသွက်ဖြစ်လာပါတယ်။
“ကျွန်တော်တို့သူဌေးနာမည်က ဦးအိုက်ထွန်းပါ ။အန်ကယ်ဦးအိုက်ထွန်းလားလို့မေးပြီး အမ နာမည်ပြောပြီးဆက်လိုက်ပါ ခုချက်ချင်းဆက်ပေးပါနော်”
………………………………….
“ဟဲလို အန်ကယ် ဦးအိုက်ထွန်းပါလားရှင် ။ သမီးရွှေရုပ်ပါ”
“ဟုတ်ပါတယ် ။အန်ကယ်က မိုးယံရွှေလမင်းနဲ့မြတ်ဆုကုဋေရဲ့ သူဌေးပါသမီး မင်္ဂလာပါနော် ။”
“ဟုတ် …မင်္ဂလာပါ အန်ကယ်ရှင့်”
“အင်း သမီးလေး သမီးလေးက လေးဆယ့်နှစ်လက်မ တီဗွီတင်ကံထူးတာမဟုတ်ဘူး သမီးရဲ့ အခြား တစ်နိုင်ငံလုံးမှာ သမီးတစ်ယောက်တည်းကံထူးတာကတော့ ဒီနှစ်မှာ သာသနာပြုဖို့ သမီးကံထူးတယ်ကွဲ့ ”
ဟယ်….. ဗုဒ္ဒဂါယာကို သွားရမယ်နဲ့တူတယ်…ဒါနဲ့
“ဟုတ်ကဲ့ပြောပါ အန်ကယ်ရှင့်…”
“အန်ကယ်ပြောတာ သေချာနားထောင်နော် ။ သမီးလေးကံထူးတာကတော့ အန်ကယ်တို့မိသားစု ကိုးကွယ်နေတဲ့ ဆရာတော်တစ်ပါးရှိတယ်ကွဲ့ အဲ့ဆရာတော်ဘုရားရဲ့ အလှူပွဲကြီးကို မတ်လ ၁၇နေ့မှာ ကျင်းပမှာ ဖြစ်တယ်။ အဲ့ပွဲကို သမီးရော သမီး မိသားစုပါ တက်စေချင်တာပါ ”
“သြော်…..ဟုတ်ကဲ့”
“ အဲ့ဒီဆရာတော်ဘုရားကို သမီးကြားဖူးရင်လဲ ကြားဖူးမယ် ဖူး ဖူးရင်လဲဖူးမြင်ဖူးလိမ့်မယ်ကွဲ့ အဲ့ဆရာတော်ဘုရားကတော့ မန္တလေးက သီတဂူဆရာတော်ဘုရားပါဘဲ သမီးသိလားမသိဘူး”
“ဟုတ်ကဲ့ ဆရာတော်ဘုရားကြီးကိုတော့ အပြင်မှာမဖူးမြင် ဘူးပါဘူး ၊ဒါပေမယ့် ဆရာတော်ဘုရားကြီးရဲ့ တရားတွေတော့ ကြားဖူးနေပါတယ်ရှင့်”
“အင်းနော် …အဲ့ဆရာတော်ဘုရားကိုသမီးဖူးရမယ် ။ဒီလိုတစ်နိုင်ငံလုံးမှာ သာသနာပြုဖို့ဆိုတာကလဲ အန်ကယ်တစ်ဦးတည်းရွေးချယ်ရတာမဟုတ်ဘူး အန်ကယ်တို့လဲရွေးချယ်လို့မရဘူး သမီးရဲ့ …အဲ့ဒါက လူနှစ်ထောင်ကို ဆရာတော်ဘုရားကိုပြတဲ့အခါ ဆရာတော်ဘုရားက အဓိဌာန်နဲ့ရွေးတာ သမီးရွှေရုပ်ကို ပေါ့ အဲ့တော့ သမီးရဲ့ နာမည်နဲ့ ရွှေတိဂုံဘုရားမြောက်ဘက်မုဒ်မှာ ပွဲတင်ပေးထားတယ် နောက်လမှာထွက်မယ့် ထီဂဏန်းကိုလဲ ဆရာတော်ဘုရားကရွေးပေးထားတယ်သမီးရဲ့ အဲ့ထီလက်မှတ်တွေကိုလဲအဲ့ပွဲမှာတစ်ခါတည်း ထည့်ထိုးပေထားတယ်”
“ဟုတ်…”
“သမီးကိုအဲ့ထီလက်မှတ်တွေကိုပေးဖို့ မင်္ဂလာရက်က မြန်မာလိုဆို ၁၃၇၃ခု တပို့တွဲလဆုတ် လေးရက်သမီး ခရစ်သက္ကရာဇ်ဆို ၁၁၊၂၊၂၀၁၂ခုသမီး အဲ့ဒါကဘယ်နေ့လဲသမီးသိလား”
“ဟင် ….အဲ့ဒါက ဒီနေ့ဘဲလေ”
“အေးဟုတ်တယ်သမီးရဲ့ …သမီးကိုယ်တိုင်ရော ထီထိုးချင်လားသမီးရဲ့ သာသနာပြုချင်လား”
“ဟုတ် ထိုးချင်ပြုချင်ပါတယ်”(ထီထိုးတာရယ် သာသနာပြုတာရယ်ကို ရည်ရွယ်ပါတယ်)
“အဲ့ဒါဆို အဲ့ထီလက်မှတ်တွေရဲ့ ဈေးက ၇၅သိန်းလောက်ရှိတယ် သမီးရဲ့”
“အဲ…..”
“သြော် အဲ့ထီလက်မှတ်တန်ဖိုးကိုသမီးကတစ်ပြားတစ်ချပ်မှပေးစရာမလိုပါဘူး ။သမီးပေးရမှာက ဆရာတော်ဘုရားကြီးက မန္တလေးမှာ ကိုးန၀င်းအဓိဌာန်နဲ့ ကိုးထောင်ပြည့်ဘုရား တည်နေတယ် သမီးကအဲ့မှာ ကိုးသိန်းတိတိလှူရမယ်သမီးရဲ့ …ဒါပေမယ့် အဲ့ကိုးသိန်းလည်းခုလှူစရာမလိုပါဘူး သမီးဒီဖေဖ၀ါရီထီပေါက်ပြီးမှ မတ်လမှာလှူရမယ်သမီးရဲ့ ”
အမယ်တယ်ဟုတ်ပါလား….
“ဟုတ်ကဲ့ အန်ကယ်”
“သမီးဖေဖ၀ါရီလမှာ ပေါက်မယ့်ထီက သိန်းပေါင်း ၁၇၅၀ ကျော်သမီးရဲ့”
အယ် …..စားရကံကြုံတော့မုတ်ဆိတ်ပျားတုတ်တာဘဲ ဂလု ဂလု….
“အယ်…ဟုတ်ကဲ့ အန်ကယ် ကျေးဇူးတင်ပါတယ်”
“အင်း သမီးနားထောင်ဦးနော်….. အဲ့တော့ သမီးကိုခု အန်ကယ်ကပွဲထဲက ထီလက်မှတ်တွေစွန့်ပြီးလာပို့တော့မယ်သမီးရဲ့ သမီးတစ်ခုလုပ်ရမှာက အန်ကယ်လာပို့ရင် သမီးက ပိုက်ဆံကိုးသိန်းကိုရှာပြီး အန်ကယ့်ကိုပေးလိုက်ရမယ် အဲ့ဒါကလဲ အဲ့ပိုက်ဆံတွေကို အန်ကယ်က ရွှေတိဂုံဘုရား မြောက်ဘက်မုဒ်မှာတင်ထားတဲ့ပွဲမှာ သွားစိုက်လှူထားရမယ် သမီး ။အဲ့လိုစိုက်လှူရမှာလဲ တစ်ရက်ပါဘဲ နှစ်ဆယ့်လေးနာရီတိတိပေါ့ သမီးရယ် နောက်နေ့ဒီလိုချိန်မှာ အဲ့ပိုက်ဆံကို အန်ကယ်က ပြန်စွန့်ပြီး သမီးကိုပြန်လာပေးရုံဘဲ ဒါကလဲ ဆရာတော်ဘုရားကြီးရဲ့ အမိန့်တိုင်းဘဲသမီးရဲ့ အဲ့တော့မနက်ဖြန်ကျရင် အဲ့ပိုက်ဆံကိုးသိန်းရယ် သမီးကံစမ်းမဲပေါက်တဲ့ ၄၂လက်မ ဖလက်တီဗွီကို လာပို့မယ်သမီးရဲ့”
ဟင်…………..နောက်ဆုံးတော့လဲ အဖျားရူးသွားပါပေါ့လား ….
“အန်ကယ်ရယ် သမီးပွင့်ပွင့်လင်းလင်းတစ်ခုပြောမယ်နော် ။သမီးကအဲ့လောက်ပိုက်ဆံမရှိပါဘူး သမီးအဖေကလဲ ပင်စင်စားဆိုတော့ အန်ကယ်ရယ် ကိုးသိန်းမပြောနဲ့ ကိုးသောင်းတောင်မှတစ်မိသားစုလုံးမရှိပါဘူး .အဲ့တော့ဘယ်လိုလုပ်ရမလဲဟင်”
“သြော်…အေးကောင်းပါတယ်သမီးရယ် သမီးဘက်ကအဲ့လိုပွင့်ပွင့်လင်းလင်းပြောတာကောင်းပါတယ် အန်ကယ်တို့ ဒီလိုသာသနာပြုပုဂ္ဂိုလ်တွေရွေးလာတာ ဆယ်ကြိမ်ရှိပြီသမီးရဲ့ ဆယ်ကြိမ်လုံး ဆရာတော်ကြီးပြောတဲ့အတိုင်း ထီတွေပေါက်ခဲ့တာကြီးဘဲ ။ သမီးလို တစ်ယောက်ဖြစ်ဖူးတယ် ငါးကြိမ်မြှောက်မှာပေါ့ ဒေါ်စောရီတဲ့ သူကလဲ သမီးလိုပိုက်ဆံမတတ်နိုင်ဘူးသမီးရဲ့ သူ့တုန်းကဆို ၁၈ သိန်းကိုသုံးရက် ဘုရားမှာကပ်လှူရတာ ရွှေစေတီ ငွေစေတီနဲ့ ပတ္တမြားစေတီဆိုပြီးတော့သမီးရဲ့ အဲ့တုန်းက သူ့မှာလဲ ပိုက်ဆံမရှိလို့ ပထမတစ်ရက်မှာ ငွေသုံးသိန်းနဲ့ ဒုတိယရက်မှာသူ့မှာရှိတဲ့လက်စွပ်ရယ် တတိယရက်မှာ နားကပ်ရယ်ကို ကပ်လှူပြီး နောက်နေ့ပြန်စွန့်ရတာပေါ့ သူ့တုန်းကပေါက်တာက သိန်းပေါင်းနှစ်ထောင်ကျော်လေ…အဲ့တော့သမီးမှာရော အဲ့လို ……..”
ဟင် လာညာနေပြီ…ရတာယူတော့မှာပါလား
“အန်ကယ် သမီးတစ်ခုပြောပါရစေ ၊ သမီးမှာရွှေနဲ့တူတဲ့ လက်ဝတ်ပစ္စည်းလဲဘာမှမရှိပါဘူး အဲ့တော့ဘာလုပ်ရမှန်းလဲမသိပါဘူး အန်ကယ်တို့က လုပ်ငန်းရှင်တွေဆိုတော့ သမီးကို အဲ့ငွေလေးကိုစိုက်ပေးထားလို့ရမလားမသိဘူး..ထီပေါက်တဲ့အခါကျတောပြန်ပေးမယ်လေ….”
“ဟင်…….. အဲ့လိုတော့ အန်ကယ်လဲမပြောတတ်ဘူးသမီးရဲ့ ဆရာတော်ကြီးအဓိဌာန်နဲ့လုပ်တယ်ဆိုတော့ ဆရာတော်ကြီးကိုမေးကြည့်ပြီးမှ သမီးကိုဖုန်းပြန်ဆက်ပေးမယ်လေ…. ”
“သြော်…ဟုတ်ကဲ့ရပါတယ်… သမီးဖုန်းကိုဆက်ရင် အန်ကယ့်ဆီမှာပေါ်နေတဲ့ဖုန်းနံပါတ်ဆက်တာနဲ့မရောက်ပါဘူး သမီးတို့ဖုန်းကလိုင်းခွဲဖုန်းပါ အဲ့တော့ လိုင်းခွဲနံပါတ် ၁၉၉ကို ထပ်ဆက်မှရောက်မှာပါ ”
“ဟင်….၁၉၉လား ”
“ဟုတ်ကဲ့ မှတ်ရလွယ်အောင်အဲ့ဖုန်းနံပါတ်ကို ဖေဖေက ယူထားတာပါ”
“သြော်….. အန်ကယ်ပြန်ဆက်ပေးပါ့မယ်”
…………………………………………………
“ဟားဟားဟားဟား………………………..”
ဖုန်းချပြီးရီနေတဲ့ ရွှေရုပ်ကို မေမေက
“ဟဲ့ ရူးများသွားပြီလား”
“မရူးဘူးမေမေရေ …သမီးကိုပိုက်ဆံကိုးသိန်းလိမ်တောင်းတာ ဟိဟိ သမီးမှာက ကိုးထောင်တောင်ပြည့်အောင်ရှိတာမှမဟုတ်တာ ဟိဟိ……”
“ဟင်…. အဲ့ဒါဆို ငါ့ဖုန်းဖိုးတွေကုန်ပါပြီ ..နင်ဆက်တာ တစ်နာရီကျော်တယ်…”
“ဟာ…မေမေကလဲ စာရေးဖို့ရတာပေါ့လို့ ဟိဟိ ရွှေရုပ်ကိုများကိုးသိန်းလာတောင်းနေသေးတယ် ။ အော်ရီချင်တယ် …”
ရွှေရုပ် ရီပြီး အိမ်ထဲဝင်သွားတော့ မေမေက ပွစိပွစိကြီး ကျန်ခဲ့ပါတယ်။ ဟင်း……….ငါ့ရဲ့ လေးဆယ့်နှစ်လက်မ တိုရှီဘာဖလက်တီဗွီလေးတော့သွားပါပြီ ။ ရွှေရုပ်မတတ်မသာနဲ့ အိပ်ယာပေါ်လှဲချပြီး ဒီဇာတ်လမ်းကိုဘယ်လိုရေးရင်ကောင်းမလဲစဉ်းစားလို့ နေလိုက်ပါတော့တယ်။
ပြုံးပျော်နိုင်ပါစေ။
မှတ်ချက် -ယခုဇာတ်လမ်းလေးသည် တကယ်ကို ရွှေရုပ်ဆီမှ ပိုက်ဆံညာတောင်းတဲ့ ဇာတ်လမ်းပါ ။ ရွှေရုပ်လိုဘဲ ဘယ်နှစ်ယောက်များ ဒီလိုလိမ်တောင်းခံပြီးပြီလဲမသိပါ။ ပိုက်ဆံလိမ်တောင်းတဲ့သူတွေရဲ့ ဖုန်းနံပါတ်ကတော့ ပထမ မန်နေဂျာဆိုသူက -၀၉၄၃၀၇၄၉၂၃ ဖြစ်ပြီး သူဌေး ဦးအိုက်ထွန်းဆိုသူရဲ့ ဖုန်းနံပါတ်ကတော့ ၀၉၇၃၂၁၀၁၈၉ဖြစ်ပါတယ် ။ ပိုက်ဆံညာတောင်းတဲ့ရန်မှ ကင်းဝေးနိုင်ပါစေရှင်
ရွှေရုပ်