ရခိုင်သမိုင်းသုတေသီ ရမ္မာဝတီ အသျှင် ပညာစာရ

ရခိုင်သမိုင်းသုတေသီ ရမ္မာဝတီအသျှင်ပညာစာလွတ်မြောက်ရေးအတွက် လက်မှတ်ထိုးလို့တောင်းဆိုလှုပ်ရှားမှုပါ။

ဆရာတော်လွတ်မြောက်ရေးအတွက် လှုပ်ရှားမှုမှာပါဝင်ပနာ လက်မှတ်ထိုးချင်ကေ အေမှာ (Free!!!! Ashun Pinnyasara) လားပနာထိုးကတ်ခီပါဖိ။

ဇူလိုင်လ ၂၇ ရက်နေ့ကတည်းက လူဝတ်လဲ ဖမ်းဆီးခံထားရတဲ့ စစ်တွေမြို့မဟာမုနိ ဗုဒ္ဓဝိဟာရကျောင်းက သမိုင်း သုတေသီ ဆရာတော် ဦးပညာစာရကို ဒီကနေ့ မနက် ၁၁ နာရီလောက်က စစ်တွေခရိုင် တရားရုံးမှာ ရုံးထုတ် စစ်ဆေးခဲ့ရာမှာ မိသားစု ဆွေမျိုးတွေကို တက်ရောက် နားထောင်ခွင့် ပိတ်ပင်ခဲ့တယ်လို့ တရားရုံးကို သွားရောက်ခဲ့သူတဦးက RFA ကို ပြောပါတယ်။

“ရဲအရာရှိက အတင်းအကျပ်လုပ်လို့ ဘာမှ အဆက်အသွယ် မရခဲ့ပါဘူးခင်ဗျာ၊ အဲဒီမှာနေပြီးတော့ စခန်းမှူးတယောက်ကယ်၊ တရားရုံးမှာ စခန်းမှူးရာထူးပေါ့၊ နှစ်ပွင့်ပေါ့နော်၊ အဲဒီတယောက်ကနေပြီးတော့ ရှိနေပါတယ်။ အပြင်လာတဲ့လူကို အစစ်အဆေးတွေ များလွန်းလို့ ကျွန်တော်တို့ ဘယ်သူမှ နားထောင်ခွင့် မရပါဘူးခင်ဗျာ။”

ဆရာတော် ဦးပညာစာရကို ဒီကနေ့ စတုထ္ထအကြိမ်မြောက် ရုံးထုတ်ခဲ့တာ ဖြစ်ပါတယ်။ ဆရာတော်ကို တတိယအကြိမ်အဖြစ် သြဂုတ်လ ၂၄ ရက်နေ့က ရုံးထုတ် စစ်ဆေးခဲ့ရာမှာ ပြင်ပလူတွေကို နားထောင်ခွင့် ပေးခဲ့တယ်လို့ သိရပါတယ်။ ဆရာတော်ဟာ သမိုင်းသုတေသီ မဟုတ်ကြောင်း စစ်အစိုးရဖက်က စွပ်စွဲထားချက်ကို ဆရာတော်ရဲ့ ရှေ့နေ ဒေါ်အေးနုစိန်က အထောက်အထားနဲ့ တကွ တရားရုံးကို ရှင်းလင်း တင်ပြထားတယ်လို့ သိရပါတယ်။။

သက်တော် ၅၇၊ ဝါတော် ၃၇ ရှိတဲ့ ဆရာတော် အရှင် ဦးပညာစာရဟာ စစ်တွေထောင်မှာ ထိန်းသိမ်းခံထားရပါတယ်။

ဆရာတော်ကို စစ်အစိုးရက ဘာသာသာသနာ ညှိုးနွမ်းစေမှု၊ သာသနာ့မြေကို ငှားရမ်း အသုံးပြုမှု၊ နိုင်ငံတည်ငြိမ်ရေးကို ထိပါးနှောင့်ယှက်မှု စတဲ့ ပုဒ်မ ၇ ခုတပ် တရားစွဲဆိုထားတယ်လို့ သိရပါတယ်။

http://www.rfa.org/burmese/news/family_barred_court_hearing-08302010143102.html

စစ်တွေမြို့မှ  အရှင်ပညာစာရကို စစ်တွေ တရားရုံးတွင် တရားစွဲဆိုနေရာ ယမန်နေ့က တရားခွင်သည် လွတ်လပ်သည့် တရားခွင် မဖြစ်ခဲ့ကြောင်း သိရသည်။

“မနေ့ကရုံးချိန်းမှာ မိသားစုဝင်ကလွဲရင် ကျန်တဲ့သူတွေကို ၀င်ရောက်နားထောင်ခွင့်မပေးဘူး ၊ နောက်ပြီး ဆွဲချခေါ်တဲ့ ဥပဒေ အရာရှိကလည်း အသစ်တယောက်ဖြစ်လာတယ် ၊ နောက်ရောက်တဲ့သူက သဘောထားတင်းမာတယ်"ဟု တရားခွင်သို့ တက်ရောက်ခဲ့သည့် အရှင်ပညာစာရ၏ မိသားစုဝင်တဦးက ပြောသည်။

ယမန်နေ့ကပြုလုပ်ခဲ့သော စတုတ္ထမြောက်ရုံးချိန်းတွင် အရှင်ပညာစာရ၏ ရှေ့နေဒေါ်အေးနုစိန်က တရားလိုပြသက်သေများ ဖြစ်သော ဒေါ်မာလာ ၊ မအေးသင်းခိုင် ၊ ခိုင်အောင်လင်းနှင့်ကျော်မိုးထွန်းတို့ကို စစ်မေးခဲ့ကြောင်း သိရသည်။

တရားခွင်တွင် စခန်းမှူး မြို့ဆွေ ၊ ရဲအုပ်အောင်မြင့်တို့ အချိန်ပြည့်စောင့်ကြပ်နေခဲ့ကြကာ တရားလိုပြသက်သေများ  စစ်မေးမှုကို ဖြေဆိုစဉ် အစိုးရဥပဒေအရာရှိက၂ပေခန့်အကွာ ရှေ့မှရပ်ကာ တရားလိုပြသက်သေများကို ကြည့်နေခဲ့ကြောင်း ၊ ၁၀ ပေ ပတ် လည် ခန့်ရှိ တရားခွင်အတွင်း တရားခံစောင့်ရဲ ၂ ဦးအပြင် အခြားရဲ ၃ ဦးပါ ၀င်ရောက်စောင့်ကြပ်ခဲ့ကြကြောင်း တရားခွင်ရောက်ခဲ့ သူ တဦးက ပြောသည်။

“တရားလိုပြသက်သေတွေကို လွတ်လွတ်လပ်လပ် စစ်မေးခွင့်မရဘူး ၊ နောက်ပြီး တရားခွင်ထဲမှာ တရားခံစောင့်ရဲ ၂ ဦးထက် ပိုပြီး ၀င်ရောက် နေတာဟာ ဥပဒေနဲ့ မလျော်ညီဘူး"ဟု တရားခွင်ရောက်ခဲ့သူက ပြောသည်။

အရှင်ပညာစာရအား ပုဒ်မ ၄၂၀ လိမ်လည်မှု၊ ပုဒ်မ ၂၉၅ (က) ဘာသာသာသနာ ညှိုးနွမ်းစေမှု၊ ပုဒ်မ ၄၀၆ ယုံကြည်အပ်နှံထား သည့် ပစ္စည်းကို အလွဲသုံးစားမှု၊ ပုဒ်မ ၅၀၅ နိုင်ငံတော် တည်ငြိမ်ရေးကို ထိပါးနှောင့်ယှက်မှု၊ ပုဒ်မ ၂၉၂ သာသနာ့နယ်မြေကို အခကြေးငွေဖြင့် ငှားရမ်းအသုံးပြုမှု၊ နိုင်ငံခြားငွေ လဲလှယ်ရေး အက်ဥပဒေ ပုဒ်မ ၂၄ (၁)၊ စည်ပင်သာယာ အက်ဥပဒေ ပုဒ်မ ၆၁ (ဂ) စသည့် ပုဒ်မ တို့ဖြင့် စွပ်စွဲကာ အစိုးရက တရားလိုလုပ်၍ တရားစွဲဆိုထားခြင်းဖြစ်သည်။

“ထောင်ထဲမှာ အ၀တ်တစုံပဲပေးထားတယ်တဲ့ ၊ ပြင်ပအစားအစာပို့ဆောင်ခွင့်မရဘူး ၊ ဆရာတော် ခန္ဓာကိုယ်ဖောယောင်နေတယ် ၊ ကျန်းမာရေးကောင်းပုံမပေါ်ဘူး ၊ နောက်ပြီး ဆရာတော်နဲ့ သူ့ရှေ့နေ ထောင်ထဲမှာတွေ့ဆုံချိန်မှာလည်း လွတ်လွတ်လပ်လပ် တွေ့ခွင့် မရဘဲ ရဲက စောင့်ကြည့်တယ်လို့ သိရပါတယ်"ဟု မိသားစုဝင်တဦးက ပြောသည်။

ဆရာတော် အရှင်ပညာစာရကို စွပ်စွဲချက် အမျိုးမျိုးနှင့် အာဏာပိုင်များက အသင့်ရေးပြီး ယူဆောင်လာသော စာရွက် စာတမ်း များ ကို ဖတ်ပြကာ ပြည်နယ်ရဲမှူးကြီး ကိုယ်တိုင် ဇူလိူင်လ ၂၇ ရက်နေ့က လာရောက် ဖမ်းဆီးခဲ့ကြောင်း သိရသည်။

ဆရာတော်အား ဖမ်းဆီးသွားသည့် အပြင် ကျောင်းတိုက်ရှိ ရခိုင် ရှေးဟောင်းဘုရားများ၊ စာရွက်စာတမ်းများ၊ ရှေးဟောင်း ရွှေဒင်္ဂါးများ၊ ငွေဒင်္ဂါးများ၊ ပေစာ၊ ပုရပိုက်စာများ၊ ရှေးဟောင်း ရခိုင် ယဉ်ကျေးမှု အမွေ အနှစ်များ စသည့် ပစ္စည်းများကိုပါ အာဏာပိုင်များက ယူဆောင်သွားကြကြောင်း ကျောင်းတိုက်နှင့် နီးစပ်သူများက ပြောဆိုသည်။

အရှင်ပညာစာရသည် စစ်တွေမြို့၊ ကန်တော်ကြီး ရပ်ကွက်တွင် မဟာမုနိ ဗုဒ္ဓ၀ိဟာရ ကျောင်းတိုက်ကို ၁၉၉၀ ခုနှစ်က စတင် တည်ထောင်ခဲ့ပြီး မိဘမဲ့ ကလေးများကို လက်ခံ စောင့်ရှောက်ထားကာ ရခိုင်ယဉ်ကျေးမှုဆိုင်ရာ ပစ္စည်းများကို ရှာဖွေစုဆောင်း လေ့ရှိသည့် သမိုင်းသုတေသီတဦးဖြစ်ကြောင်း ဒေသခံများက ပြောသည်။

အရှင်ပညာစာရ ဖမ်းဆီးခံရပြီးနောက် အာဏာပိုင်များက ကျောင်းတိုက်ကို ချိပ်ပိတ်ပစ်ခဲ့သည့်အပြင် ကျောင်းတိုက်မှ ထိန်းသိမ်း စောင့်ရှောက်ထားသည့် မိဘမဲ့ကလေး ၁၀၀ ကျော်ကိုလည်း မကွေးတိုင်းနှင့် မန္တလေးတိုင်းတို့ရှိ လူမှုဝန်ထမ်း ဦးစီးဌာနများသို့ ပို့ဆောင်ခဲ့သည်။

ဧရာဝီသတင်းဌာနမှ http://www.irrawaddy.org/bur/index.php/news/1-news/3953-2010-08-31-11-18-04

အရှင်ပညာစာရ ဦးစီး တည်ထောင်ခဲ့သော မဟာမုနိ ဗုဒ္ဓ၀ိဟာ ပရဟိတ ကျောင်းမှ အာဏာပိုင်များ၏ ခေါ်ဆောင်သွားခြင်းကို ခံရသူ အမျိုးသမီးငယ် ၃ ဦးကို ယခုအချိန်ထိ မိဘများလက်သို့ လွဲပြောင်း ပေးအပ်ခြင်း မရှိဘဲ ဆက်လက်ပြီး အကျယ်ချုပ်ဖြင့် ထိန်းသိမ်း ထားကြောင်း သတင်း ရရှိသည်။

အဆိုပါ အမျိုးသမီးငယ် ၃ ဦးမှာ မဖြူဖြူဝင်း (၁၈ နှစ်)၊ မအေးသိန်းခိုင် ( ၁၆ နှစ်)နှင့် မသန်းနွယ် (၁၆ နှစ်) တို့ ဖြစ်ကြသည်။

“သူတို့က ကျောင်းသူတွေ ဖြစ်ကြပါတယ်။ သူတို့ကို ဇူလိူင်လ ၂၇ ရက်နေ့ကတည်းက ခေါ်ထုတ် သွားပြီး ပထမ သူတို့ကို အမှတ် ၁ ရဲစခန်းမှာထားပါတယ်။ အခုသူတို့ကို ရူပတောင် ဦးအောင်စိုးသာ ဗွီဒီယိုရုံနားက ရဲလိုင်းတန်းမှာ ပြောင်းရွှေ့ ထားပါတယ်။ မိသားစုတွေ သွားတွေ့လို့ ရပေမယ့် အပြင်ကို ခေါ်ခွင့် မပြုဘဲ တားမြစ်ထားပါတယ်” ဟု သူမတို့၏ ဆွေမျိုး တဦးက ပြောသည်။

မဖြူဖြူဝင်းမှာ ဦးစိန်ရွှေအောင် သမီးဖြစ်ပြီး ၁၀ တန်းကျောင်းသူ ဖြစ်သည်။ သူမ၏ နေရပ် ဇာတိမှာ မင်းပြားမြို့နယ် ကြိမ်ချောင်းကျေးရွာ ဖြစ်ကြောင်း သိရသည်။

မအေးသိန်းခိုင်မှာ ဦးအောင်ကျော်သောင်း သမီးဖြစ်ပြီး ၉ တန်းကျောင်းသူ ဖြစ်သည်။ သူမ၏ ဇာတိမှာ ကျောက်တော်မြို့နယ် အုန်းပတီးကျေးရွာ ဖြစ်သည်။

မသန်းနွယ်မှာမူ ၉ တန်းကျောင်းသူ ဖြစ်ပြီး ငယ်ငယ်ကတည်းက မိဘမရှိဘဲ ဆရာတော်ကျောင်းကို ရောက်ရှိလာသူ ဖြစ်သဖြင့် နေရပ်လိပ်စာ မရှိကြောင်း သိရသည်။

“သူတို့ကို ဘာကြောင့် ထိန်းသိမ်းထားသလဲ ဆိုတာတော့ တိတိကျကျ မသိရဘူး။ သက်ဆိုင်ရာ မိဘတွေက လာခေါ်ပေမယ့် ရဲက ပေးမပြန်ဘူး။ ဒါကြောင့် သူတို့က ကျောင်းမတက်ရဘဲ ရဲစခန်းက လိုင်းတန်းမှာ နေထိုင်နေကြရပါတယ်” ဟု သူက ဆက်ပြောသည်။

ဆရာတော် အရှင်ပညာစာရ ကျောင်းတွင် မိဘမဲ့ကလေးများ အပြင် ဆင်းရဲနွမ်းပါး သဖြင့် ပညာ မသင်နိုင်သူ ကလေး ၁၂၀ ကျော်ရှိပြီး အများစု အသက်အရွယ် ငယ်ရွယ်သူ ကလေးငယ်များကို ဗမာပြည်သို့ အာဏာပိုင်များက ပို့ဆောင်လိုက်သည်။

စစ်တွေတွင် ကျန်ရှိနေသူ အဆိုပါ အမျိုးသမီးငယ် ၃ ဦးအား ယခုအချိန်ထိ မိဘများထံ လွဲပြောင်း ပေးအပ်ခြင်း မရှိသေးဘဲ အကျယ်ချုပ်ဖြင့် ထိန်းသိမ်းထားသဖြင့် သူမတို့၏ အနာဂတ် အရေး အတွက် မိသားစုများက စိုးရိမ်နေကြသည်ဟု သိရသည်။

: ----------------------------------- ----------------------------------- ----------------------------------- :

(နိရဉ္စရာ သတင်းများကို မည်သူ မဆို လွတ်လပ်စွာ ကူးယူ အသုံးပြုနိုင်ပါသည်။ သို့သော် သတင်းရင်းမြစ်နေရာတွင် နိရဉ္စရာ နာမည်ကို ဖေါ်ပြပေးစေလိုပါသည်။)

Printer Friendly Version | Send to a Friend

အရှင်ပညာစာရ ကြားနာ စစ်ဆေးမူ တရား ဥပဒေ နည်းလမ်းမကျ

(ရှေ့နေမကြီးက တရားလို သက်သေများကို မေးခွန်း ၆ ခု မေးမြန်းခဲ့) 

အရှင်ပညာစာရအား သြဂတ်စ်လ ၂၄ ရက်နေ့က စစ်တွေ ခရိုင်တရားရုံးတွင် တတိယအကြိမ်မြောက် ရုံးတင် စစ်ဆေးခဲ့ရာ အစိုးရ တရားလို သက်သေ နှစ်ဦးကို စစ်ဆေးခဲ့ပြီး တရားခွင်သို့ ပြည်သူ ၅၀ ခန့် တက်ရောက် နားထောင်ခဲ့သည်ဟု သိရသည်။

ထိုသို့ စစ်ဆေးရာတွင် တရားရုံးတွင် ပတ်ဝန်းကျင်နှင့် တရားရုံးအတွင်း လုံခြုံရေး ထူထပ်စွာ ချထားသည်သာမက တရားရုံး၏ ဥပဒေကို ချိုးဖေါက်ပြီး ရဲအရာရှိ တဦးက တရားရုံး စစ်ဆေး မေးမြန်းချက်များကို မှတ်တမ်းယူခဲ့သည်ဟု သိရသည်။

တရားခွင်သို့ တက်ရောက်ခဲ့သူ အမည်မဖေါ်လိုသူ တရားရေးနှင့် ပတ်သက်ပြီး နားလည်သူ တဦးက နိရဉ္စရာသို့ သူအမြင်ကို ယခုကဲ့သို့ စတင်ပြောကြားသည်။

“ဆရာတော် ပညာစာရကို အမူ စစ်ဆေးတဲ့ နေရာမှာ တရားဥပဒေ နည်းလမ်းမကျတာတွေကို အများကြီးတွေ့ရပါတယ်။ အဓိက နည်းလမ်းမကျတာက ရဲအရာရှိ နှစ်ပွင့်နဲ့ တဦးက တရားရုံးမှာ စစ်ဆေး မေးမြန်းတာတွေ ထွက်ဆိုတာတွေ အားလုံးကို မှတ်တမ်း လိုက်ယူပါတယ်။ တရားရုံးမှာ ခုလိုရဲက မှတ်တမ်း လိုက်ယူခွင့် မရှိပါဘူး။ ဒါဟာ တရားဥပေဒကို ပြောင်းပြောင်း တင်းတင်း ချိုးဖေါက် တာဘဲ ဖြစ်ပါတယ်” ဟု ပြောသည်။

အဆိုပါ ကိစ္စနှင့် ပတ်သက်ပြီး မြန်မာနိုင်ငံ ရှေ့နေများကောင်စီမှ ဥပဒေရေးရာ သုံးသပ်ရေး အဖွဲ့ တာဝန်ခံ ဦးမျိုးကို နိရဉ္စရာက ဆက်သွယ် မေမြန်းရာ သူက “ တရားရုံးမှာ ရဲက မှတ်တမ်း လိုက်ယူခွင့် မရှိပါ။ ရဲနဲ့ တရားရုံးမှာ မှတ်တမ်းလိုက်ယူမယ့် ကိစ္စနဲ့ ဘာမှ မပတ်သက်ပါ။ တရားရုံးက တာဝန် ရှိသူတွေကဘဲ မှတ်တမ်းလိုက်ယူခွင့် ရှိပါတယ်” ဟု ပြောသည်။

၎င်းပြင် တတိယနေ့ အဖြစ် အရှင်ပညာစာရအား ရုံးတင် စစ်ဆေးသောအခါလည်း တရားရုံး ပတ်ဝန်းကျင်နှင့် တရားရုံးထဲတွင် ရဲသားများကို လက်နက်ခဲယမ်းမီးကျောက် အပြည့်အစုံဖြင့် အစောင့်ချထားခဲ့သည်ဟု သိရသည်။

“ ခုလို ရဲတွေကို မလိုအပ်ဘဲ တရားရုံးထဲမှာ ချထားတာဟာ အရှင် ပညာစာရနဲ့ ပတ်သက်ပြီး သူ့ဘက် လိုက်ပါ ဆောင်ရွက် ပေးမယ့် ရှေ့နေတွေ အပါအ၀င် သက်သေတွေကို ခြိမ်းခြောက်တဲ့ သဘော ဖြစ်ပါတယ်။ တရားရုံးဟာ လွတ်လပ်တဲ့ တရားခွင်လို မဟုတ်ဘဲ စစ်ခုံရုံး တခုနဲ့ သွားတူနေတာကို တွေ့ရပါတယ်”ဟု တရားခွင်သို့ တက်ရောက်ခဲ့သူက ဆက်ပြောသည်။

တတိယနေ့ တရားခွင်သို့ ပြည်သူ ၅၀ နီးပါးခန့် တက်ရောက်နားထောင်ခဲ့ပြီး တရားလို သက်သေ နှစ်ဦးကို ခေါ်ယူစစ်ဆေးခဲ့သည်ဟု သူက ပြောသည်။

“ ခေါ်ယူ စစ်ဆေးတဲ့ နေရာမှာလည်း တရားလိုသက်သေထဲက အရေးကြီးတဲ့ သူတွေကို အဓိက စစ်ဆေးတာ မဟုတ်ဘဲ နံပတ် ၂၀ မှာရှိနေတဲ့ စစ်တွေ အမှတ် ၁ စခန်းမှူး ဦးမျိုးဆွေနဲ့ အစိုးရ ရှေ့နေ တဦးကို ခေါ်ယူစစ်ဆေးခဲ့ပါတယ်။ တရားခံဘက်က ရှေ့နေ ဒေါ်အေးနုစိန်ကတော့ တရားလို သက်သေ စခန်းမှူး ဦးမျိုးဆွေကို မေးခွန်း ၅ ခုနဲ့ တရားလို အစိုးရ ရှေ့နေကို မေးခွန်း တစ်ခု မေးမြန်း ခဲ့တာကို တွေ့ရပါတယ်” ဟု ပြောသည်။

ရှေ့နေမ ဒေါ်အေးနုစိန်မှ ဖေါ်ပြပါ မေးခွန်း ၅ကို မေးမြန်းခဲ့သည်။

(၁) ဆရာတော် အရှင် ပညာစာရ စုဆောင်းထားတဲ့ စာအုပ်စာပေတွေကို လေ့လာဖတ်ကြားရင်း အမျိုးသား စာပေဆုရသွားတဲ့ ပုဂ္ဂိုလ်တစ်ဦးကို သိပါသလား။ (၂) နိုင်ငံခြားသားများ ဆရာတော် စုဆောင်းထားသော စာအုပ်စာတန်းတွေကို လေ့လာ ဆည်းပူးဖို့ မကြာခဏ စစ်တွေကို ရောက်ရှိပြီး ထိုထဲက တဦး ရခိုင်သမိုင်းနဲ့ ဒေါက်တာဘွဲ့ရသွားတာကို သိပါသလား။ (၃) ဆရာတော်ရဲ့ ပရဟိတ ကျောင်းကို စပိန်က ငွေကြေး ထောက်ပံ့တယ်ဆိုတာ သိပါသလား။ (၄) စင်္ကာပူက လှူဒါန်းတဲ့ ငွေကြေးတွေနဲ့ စာအုပ် စာတန်းတွေကို ၀ယ်ယူစုဆောင်းတယ်ဆိုတာ သိပါသလား (၅) ဆရာတော်ကျောင်းတိုက်မှာ စာကြည့်တိုက် ၂ ခုရှိတယ် ဆိုတာသိပါသလား စသည်တို့ ဖြစ်သည်။

၎င်းအပြင် ဒေါ်အေးနုစိန်မှ အစိုးရ ရှေ့နေအား ဆရာတော် သီတင်းသုံးနေရာ ကျောင်းဝင်း အတွင်းတွင် ဆရာတော်၏ မယ်တော် အုတ်ဂူရှိတယ်ဆိုတာ သိပါလားဟု မေးမြန်းခဲ့သည်။

“ အဲဒီ တရားလိုတွေက အရှင်ပညာစာရကို သမိုင်းသုတေသီဆိုတဲ့ အချက်ကို ပယ်ဖျက်လိုတဲ့ အတွက် သူဟာ သမိုင်းသုတေသီ မဟုတ်ကြောင်း တင်ပြလာတဲ့ အပေါ်မှာ ဒေါ်အေးနုစိန်က ခုလို မေးမြန်းခဲ့တာ ဖြစ်ပါတယ်။ တရားလို ရှေ့နေက ကလေးတွေ အလောင်းတွေကို ဖျောက်ဖျက် တယ်ဆိုတဲ့ စွပ်စွဲချက်ကြောင့် ဆရာတော်ရဲ့ မယ်တော် အုတ်ဂူ ရှိတယ် ဆိုတာကို သိသလားလို့ မေးတာ ဖြစ်ပါတယ်။ ကလေးတွေကို ကျောင်းတိုက်မှာ မြုပ်နှံထားတဲ့ ကိစ္စကိုကျတော့ တရားစွဲတယ်။ မယ်တော်ကို မြုပ်နှံထားတာကို ကျတော့ သူတို့က ဘာမှ မပြောတဲ့ အတွက် ဒေါ်အေးနုစိန်က အချက်ကျကျ မေးမြန်းခဲ့တာ ဖြစ်ပါတယ်”ဟု သူက ပြောသည်။

တရား စစ်ဆေးမူကို နေ့လည် ၂ နာရီတွင် ရပ်နားခဲ့ပြီး နောက်ထပ် ရုံးချိန်းကို သြဂတ်စ်လ ၃၀ နေ့တွင် တရားရုံးက ပေးခဲ့သည်ဟု သိရသည်။

သြဂတ်စ်လ ၁၇ ရက်နေ့က စစ်ဆေးခဲ့သော ဒုတိယအကြိမ် ရုံးချိန်းတွင် အစိုးရ တရားလို သက်သေ နှစ်ဦး ဖြစ်သည့် ဦးထွန်းသိန်းနှင့် ဒေါ်မာလာအား စစ်ဆေးခဲ့သည်။ ဒေါ်မာလာအား စစ်ဆေးမေးမြန်းရာ သူမက မိမိ အနေဖြင့် ဆရာတော်နှင့် ဖေါက်ပြန်ခဲ့ခြင်း မရှိကြောင်းနှင့် ဆရာတော်အား စွပ်စွဲရခြင်းမှာ တရားစွဲဆိုသူများမှ ကျပ် သိန်း ၂၀ ကို မက်မော ရယူလိုသဖြင့် ဖြစ်ကြောင်း ထွက်ဆိုခဲ့သည်ဟု သိရသည်။

ဆရာတော်၏ ကျန်းမာရေး အခြေအနေမှာ ကောင်းမွန်ကြောင်း သိရသည်။

: ----------------------------------- ----------------------------------- ----------------------------------- :

(နိရဉ္စရာ သတင်းများကို မည်သူ မဆို လွတ်လပ်စွာ ကူးယူ အသုံးပြုနိုင်ပါသည်။ သို့သော် သတင်းရင်းမြစ်နေရာတွင် နိရဉ္စရာ နာမည်ကို ဖေါ်ပြပေးစေလိုပါသည်။)

နယူးဒေလီ (မဇ္ဈိမ) ။      ။ ပါတီခေါင်းဆောင်များ၏ ဆွေမျိုးများကို လုံခြုံရေးတပ်ဖွဲ့များက ခေါ်ယူစစ်ဆေးနေမှုကို တားမြစ်ပေးရန် ရခိုင်တိုင်းရင်းသားများ တိုးတက်ရေး (RNDP) ပါတီက ရွေးကောက်ပွဲ ကော်မရှင် အဆင့်ဆင့်သို့  ယခုလ ၂ဝ ရက်နေ့က တိုင်ကြားလိုက်သည်။

ယခုလဆန်းမှစ၍ RNDP ခေါင်းဆောင်အချို့၏ ဆွေမျိုးများကို ရဲ၊ အထူးရဲသတင်းတပ်ဖွဲ့ (SB) နှင့် ဒုစရိုက်နှိမ်နင်းရေး (ဒန) တပ်ဖွဲ့ဝင်များက ကိုယ်ရေးအချက်လက်များနှင့် RNDP ပါတီအကြောင်း စစ်ဆေးမေးမြန်းခဲ့သည်ကို ပြည်ထောင်စုနှင့် ပြည်နယ် ရွေးကောက်ပွဲ ကော်မရှင်များထံ စာရေးသား ကန့်ကွက်ခြင်းဖြစ်သည်။

ရခိုင်တိုင်းရင်းသားများ တိုးတက်ရေးပါတီ အလံ

“အမျိုးတွေက ဒီလိုမေးမြန်းခံရတာတွေရှိတော့  ကြောက်ပြီး ကျနော့်ကို စိုးရိမ်တကြီးနဲ့ ပြောကြတယ်၊ နိုင်ငံရေး မလုပ်နဲ့တော့လို့။ အခုလို ပြည်သူတွေက နိုင်ငံရေးနဲ့ပတ်သက်ပြီး အကြောက်တရား လွှမ်းမိုးနေချိန်မှာ ဒီလိုလုပ်ခြင်းဖြင့် ပါတီဝင်ဖို့ရော၊ ပါတီကို အားပေးထောက်ခံဖို့ကိုပါ ခြိမ်းခြောက်နေပါတယ်” ဟု RNDP အတွင်းရေးမှူး ခိုင်ပြည်စိုးက မဇ္ဈိမကို ပြောသည်။

လဆန်းက စစ်တွေမြို့နယ် RNDP အတွင်းရေးမှူး ဦးအောင်မြကျော်ကို ရဲတပ်ဖွဲ့နှင့် ဒုစရိုက်နှိမ်နှင်းရေး (ဒန) က သီးခြားစီ ခေါ်ယူမေးမြန်းခဲ့သလို မောင်တောမြို့တွင် နေထိုင်သည့် ၎င်း၏ ညီကို SB က စစ်ဆေးမေးမြန်းခဲ့သည်။ မင်းပြားမြို့နယ် သစ်ပုပ်တောင်ကျေးရွာတွင် နေထိုင်သည့် ခိုင်ပြည်စိုး၏ အမကိုလည်း ကျေးရွာ ရယကမှတဆင့် မြို့နယ် SB တပ်ဖွဲ့က ခေါ်ယူမေးမြန်းခြင်း၊ အကိုဖြစ်သူ၏ နေအိမ်သို့ အထူးရဲသတင်းတပ်ဖွဲ့က လာရောက်စစ်ဆေးခြင်းများ ရှိခဲ့သည်။

ထို့အပြင် စစ်တွေမြို့ RNDP ရုံးချုပ်ရှေ့ ပါတီကြော်ငြာဘုတ်တွင် ကြေညာချက်နှင့် ကြွေးကြော်သံများ ရေးထားသည်ကို ပြီးခဲ့သည့်လ ၂၇ ရက်နေ့ နောက်ပိုင်း SB က နေ့စဉ် ဓာတ်ပုံရိုက်ယူလေ့ရှိရာ ကော်မရှင်သို့ ကန့်ကွက်စာပို့ပြီး နောက်တနေ့ နံနက်တွင် မိုးရွာသဖြင့် သိမ်းဆည်းထားသည့် ယင်းကြော်ငြာဘုတ်ကို အာဏာပိုင်များက ရုံးအတွင်း ဝင်ကာ ဓာတ်ပုံရိုက်သွားကြောင်းလည်း သိရသည်။

“’အရင်က SB ပဲ လာပြီး ဓာတ်ပုံရိုက်တာ။ အခုတော့ (ဒန) ရယ်၊ ရဲတပ်ဖွဲ့ရယ် ပေါင်းပြီးလာတော့ တရုန်းရုန်း ဖြစ်သွားတာ” ဟု ခိုင်ပြည်စိုးက ပြောသည်။

မိဘမဲ့ကလေးများကို စောင့်ရှောက်ပေးနေသည့် စစ်တွေမြို့မှ ဆရာတော် ဦးပညာစာရအကြောင်း RNDP က ကြေညာချက်ထုတ်သဖြင့် သတင်းမှားများ ဆက်ထုတ်လျှင် ပါတီဖျက်သိမ်းပစ်မည်ဟု ပြည်နယ်ရွေးကောက်ပွဲကော်မရှင်က ယခုလ ၁၁ ရက်က ခေါ်ယူသတိပေးခဲ့သေးသည်။

ဦးပညာစာရမှာ ယခုအခါ စစ်တွေမြို့ အကျဉ်းထောင်တွင် ချုပ်နှောင်ခံနေရပြီး လိမ်လည်မှု (ပုဒ်မ ၄၂ဝ)၊ သာသနာတော် ညှိုးနွမ်းစေမှု (၂၉၅၊ ၂၉၂)၊ ယုံကြည်အပ်နှံမှုကို ဖောက်ဖျက်မှု (၄ဝ၆)၊ အစိုးရကို အကြည်အညို ပျက်စေသော စာရွက်စာတမ်းများ လက်ဝယ်ထားရှိမှု (၅ဝ၅ - ခ)၊ စည်ပင်အက်ဥပဒေ (၆၈ - ဂ)၊ နိုင်ငံခြားငွေ လဲလှယ်မှု အက်ဥပဒေ (၂၄ - ၁) ဖြင့် ယခုလ ၁ဝ ရက်နေ့တွင် တကြိမ်၊ ၁၇ ရက်နေ့တွင် တကြိမ် စစ်တွေခရိုင် တရားရုံးတွင် အစစ်ဆေးခံနေရသည်။

နိုဝင်ဘာရွေးကောက်ပွဲတွင် ရခိုင်ပြည်နယ်မှ စစ်အစိုးရဝန်ကြီးများ ဦးဆောင်သည့် ကြံ့ဖွံ့ပါတီ၊ တိုင်းရင်းသား စည်းလုံးညီညွတ်ရေး၊ ရခိုင်တိုင်းရင်းသားများ စည်းလုံးညီညွတ်ရေး၊ မြန်မာနိုင်ငံ ရခိုင်ပြည်နယ် အမျိုးသားအင်အားစု၊ မြို (ခေါ်) ခမီ အမျိုးသား ညီညွတ်ရေး၊ မြိုတိုင်းရင်းသား၊ ခမီအမျိုးသား ဖွံ့ဖြိုးတိုးတက်ရေးနှင့် ကမန်အမျိုးသား ပါတီတို့ ဝင်ရောက်ယှဉ်ပြိုင်ကြမည်ဖြစ်သည်။

ရခိုင် တိုင်းရင်းသားများ တိုးတက်ရေးပါတီ (RNDP) အား ဒေသဆိုင်ရာ ရဲတပ်ဖွဲ့များက စစ်ဆေး မေးမြန်းခြင်းများဆက်လက် လုပ်ဆောင်မည်ဆိုပါက ရွေးကောက်ပွဲကော်မရှင် (ဗဟို) သို့ အကြောင်းကြားစာပို့ တိုင်ကြားသွားမည်ဖြစ်ကြောင်း အဆိုပါ ပါတီဥက္ကဋ္ဌ ဒေါက်တာအေးမောင်က ဧရာဝတီသို့ပြောသည်။

“တကယ်လို့ ပါတီကိုလာစစ်ဆေးတာတွေ၊ ပါတီဝင်တွေနဲ့ မိသားစုတွေကို စစ်ဆေးတာ၊ စောင့်ကြည့်တာတွေ ဆက်လုပ်နေ ဦးမယ် ဆိုရင် ရွေးကောက်ပွဲကော်မရှင်ကိုစာတင်ပြီး ကြေညာချက်တွေပါ ထုတ်သွားဖို့ရှိပါတယ်” ဟု သူက ရှင်းပြသည်။

ဒေသဆိုင်ရာ အာဏာပိုင်များသည် RNDP  ပါတီဝင်များအားစောင့်ကြည့်မှု၊ ပါတီဝင်မိသားစုများအား ခေါ်ယူစစ်ဆေးမေးမြန်း မှု၊ ခြိမ်းခြောက်ပြောဆိုမှုများကို သြဂုတ်လဆန်းပိုင်းမှစ၍ ဆက်တိုက် လုပ်ဆောင်ခဲ့ကြောင်း၊ ထိုသို့ လုပ်ဆောင်ခြင်းကြောင့်မိသားစုများမှာ စိတ်အနှောင့်အယှက် ဖြစ်ကြရသည့်အပြင်၊ ပါတီဝင်လိုသည့် ဒေသခံများကိုလည်း အတားအဆီး ဖြစ်စေကြောင်း ပါတီ အတွင်းရေးမှူး ဦးခိုင်ပြည်စိုးက ပြောသည်။

“မင်းပြားမှာနေတဲ့ ကျနော့်အစ်မကိုလည်း မြို့နယ်ရဲတပ်ဖွဲ့က ခေါ်ပြီးစစ်ဆေးတာ၊ မေးမြန်းတာ လုပ်တယ်၊ စစ်တွေမှာရှိတဲ့ ကျနော့်အစ်ကို ကိုလည်းခေါ်ယူစစ်ဆေးမေးမြန်းတယ်။ သူတို့တွေက နိုင်ငံရေးလုပ်နေတဲ့ လူတွေလည်းမဟုတ်ဘူး” ဟု သူက ဆိုသည်။ 

ဦးခိုင်ပြည်စိုး၏ မိသားစုများအပြင်တခြားသော ပါတီဝင်များ၏ မိသားစုများကိုပါ ခေါ်ယူစစ်ဆေးခဲ့ကြကြောင်းသိရသည်။

RNDP  သည် ရခိုင်ပြည်နယ်တွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့)၏ အဓိက ပြိုင်ဘက် ပါတီတခု ဖြစ်နေခြင်းကြောင့် အာဏာပိုင်များက ထိုသို့ လုပ်ဆောင်ခြင်း ဖြစ်သည်ဟု ဒေါက်တာအေးမောင်က သုံးသပ်သည်။

RNDP  သည် ဇူလိုင်လ ၂၇ ရက်နေ့တွင် အာဏာပိုင်များ၏ ဖမ်းဆီးခြင်းခံခဲ့ရသော အရှင်ဦးပညာစာရနှင့် ပတ်သက်၍ ပါတီ၏ သဘောထားများကိုကြေညာချက် ထုတ်ခြင်း၊ ပါတီဝင်များ၊ ပါတီဝင် မိသားစုများအား ခေါ်ယူစစ်ဆေးမှုများနှင့် ပတ်သက်၍  ပြည်နယ်ရွေးကောက်ပွဲ ကော်မရှင်သို့ ကန့်ကွက်စာပို့ခြင်းတို့ လုပ်ဆောင်ပြီးနောက်တွင် အာဏာပိုင်များ၏ စောင့်ကြည့်ခြင်းကို နေ့စဉ်ကြုံတွေ့နေရကြောင်း သိရသည်။

ရခိုင်ပြည်နယ် စစ်တွေဒေသ၌ ရွေးကောက်ပွဲတွင် ၀င်ရောက်အရွေးခံမည့် ပါတီများမှာ RNDP အပါအ၀င်ကြံ့ဖွံ့၊ တိုင်းရင်းသား စည်းလုံးညီညွတ်ရေးပါတီ (တစည) နှင့် ကမန်ပါတီ၊ မြို၊ ခမီ စသည့် ပါတီငယ်များ စုစုပေါင်း ၁၀ ခု ၀န်းကျင် ရှိကြောင်း သိရသည်။

ရခိုင်ပြည်နယ်တွင် ရွေးကောက်ပွဲအတွက် မဲဆွယ်စည်းရုံးခြင်းကို ကြံ့ဖွံ့ပါတီက အစောဆုံး လုပ်ဆောင်နေပြီး ယခုအခါ တစည ပါတီသည်လည်း မင်းပြား၊ ကျောက်တော်၊ မြောက်ဦး၊ ပေါက်တော စသည့် မြို့နယ်တချို့တွင် အတိုးနှုန်း သက်သာစွာဖြင့် ငွေချေးပေးခြင်း၊ အ၀တ်အထည်များ ပေးကမ်းခြင်း၊ သက်ကြီး ရွယ်အိုများအား ထောက်ပံ့ငွေ ကျပ် တထောင်စီပေးခြင်း စသည်ဖြင့် လုပ်ဆောင်၍ စည်းရုံးနေကြောင်း မင်းပြားဒေသခံ တဦးကပြောသည်။

သို့ရာတွင် တပြိုင်နက်တည်း၌ ကျောက်ဖြူ၊ မာန်အောင် စသည့် မြို့နယ်များတွင် “ရွေးကောက်ပွဲတွင် ကြံ့ဖွံ့ပါတီအလိုမရှိ၊ တစည ပါတီအလိုမရှိ” အစရှိသဖြင့် ကန့်ကွက် လှုပ်ရှားမှုများကို သြဂုတ်လ ဒုတိယပတ်တွင် လုပ်ဆောင်ခဲ့ကြောင်း သိရသည်။