ရခိုင်သမိုင်းသုတေသီဆရာတော်အသျှင်ပညာစာရကို မတရားစွပ်စွဲဖမ်းဆီးနှိပ်စက်ချူပ်နှောင်ထားခြင်းနန့်  ပတ်သက်လို့   ရခိုင်အသိုင်းအ၀ိုင်း(နယ်သာလန်) ၏ သဘောထားထုတ်ပြန်ကြေငြာချက်

၇ သြဂုတ်လ ၂၀၁၀

ဆရာတော်အသျှင်ပညာစာရကို မတရားစွပ်စွဲဖမ်းဆီးပြီးကေ လူစိတ်မဟိ နှိပ်စက်ညှင်းပန်းနိန်ခြင်းရေ ဗမာနယ်ချဲ့  ကိုလိုနီစစ်အာဏာသျှင်စနစ်ဆိုး၏လုပ်ရပ်တစ်ခုပင်ဖြစ်တေ။ ရခိုင်သမိုင်းသုတေသီတစ်ယောက်ကို တရားလက်လွတ် ဥပဒေမဟိ ဖမ်းချင်တိုင်းဖမ်းပနာ ရှိဟောင်းရခိုင်သမိုင်းစာပီအမွီအနှစ်တိကိုဖျက်ဆီးလိုက်ခြင်းရေ ရခိုင်တမျိုးသားလုံးကို စော်ကားလိုက်ခြင်းပင် ဖြစ်တေ။ အညွန့် တလူလူတက်နိန်ရေ ရခိုင်အချေတိကို ဗမာပြည်နယ်ကို ယူလားခခြင်းရေ ရခိုင်ရို့ အနာဂတ်ကိုပါ ပုံစံတကျချိုးဖျက်လိုက်ခြင်းပင် ဖြစ်တေ။

အဂုပိုင် လူ့ အခြီခံစိတ်ဓါတ်မဟိ လူ့ အခွင့်အရေးကိုမသိ လူ့ ကျင့်ဝတ်တိပျောက်ပနာ နိုင်ငံတကာ အသိုင်းအ၀ိုင်းကြီး တခုလုံး၏၀ိုင်းပယ်ထားခြင်းကိုခံနိန်ရပြီးကေ နိုင်ငံတကာဥပဒေတိကို လေးစားလိုက်နာခြင်းမဟိ ကျိုင်းမြောင်းအောက်တန်းကျရေ ဗမာနယ်ချဲ့ ကိုလိုနီစစ်စနစ်ဆိုးနန့်  ဗမာလူမျိုးကြီးဝါဒစရိုက်ပျက်တိကို ရခိုင်အသိုင်းအ၀ိုင်း(နယ်သာလန်) က လုံးဝလက်မခံကန့် ကွက် ရှုတ်ချကြောင်းနန့်  အောက်မှာဖော်ပြထားရေ အချက်တိကို တောင်းဆိုလိုက်တေ။

၁။ ရခိုင်သမိုင်းသုတေသီအသျှင်ပညာစာရကို ခြွင်းချက်မဟိ ချက်ချင်းလွှတ်ပီးအောင် တတ်နိုင်ရေနည်းနန့် ကြိုးပမ်းလားကတ်၊

၂။ ရခိုင်တမျိုးသားလုံး ရရေလက်နက်ကို ကိုင်စွဲပနာ ဗမာနယ်ချဲ့ ကိုလိုနီစစ်စနစ်ဆိုး ရခိုင်ပြည်မှာ အမြစ်ပြတ်နိဂုံးချူပ် အဆုံးသတ်လားအောင်တိုက်ပွဲဝင်လားကတ်၊

၃။ ရခိုင်ဆိုရေ အသိနန့် စည်းလုံးညီညွတ်ပနာ မတရားမမှန်ကန်စွာကိုလက်မခံ အမျိုးချစ်ဇာတိမာန်အပြည့်နန့် ရခိုင်တိ မှာအစွမ်းဟိရေဆိုစွာကို

အေနိန့် အေကာလကပင်စပနာ ဖော်ထုတ်ပြသလားကတ်၊

Information Desk

Arakanese Community (The Netherlands)