ချစ်သူများနေ့မှာ ဘာဖြစ်လို့ ချောကလက် လက်ဆောင်ပေးကြသလဲ
Posted on 2/18/2011 by
prettygloria
Tags: ချစ်သူများနေ့မှာ ဘာဖြစ်လို့ ချောကလက် လက်ဆောင်ပေးကြသလဲ
"ချစ်သူများနေ့" တစ်ခါတစ်ခေါက် ရောက်လို့လာခဲ့ပြန်ပါပြီ။ လေထုထဲမှာ ရိုမန်တစ်ဆန်တဲ့ အသက်အငွေ့တွေ ပျော်ဝင်လို့နေတယ်။ ပန်းအရောင်းဆိုင်၊ ကုန်စုံဆိုင်တိုင်းမှာ ကြည်နူးစရာကြော်ငြာတွေနဲ့ ပြည့်လို့နေတယ်။ ချစ်သူတိုင်းရဲ့ရင်ထဲမှာ ချိုမြိန်ကြည်နူးလို့နေကြတယ်။
ချစ်သူများနေ့မှာ ချောကလက်နဲ့ ပန်းက မရှိမဖြစ်အရာတွေ ဖြစ်နေတယ်။
ဘာဖြစ်လို့ ချစ်သူများနေ့မှာ ချောကလက် လက်ဆောင်ပေးကြသလဲ?
ချစ်သူအချင်းချင်း လက်ဆောင်ပေးတဲ့အချိန်မှာ ဘယ်လိုအဓိပ္ပာယ်ကို ဖော်ဆောင်နေသလဲ?
နောက်ပြီး ဘာဖြစ်လို့ နှင်းဆီပန်းလက်ဆောင်ပေးရသလဲ?
အင်တာနက်ပေါ် အဖြေရှာကြည့်တဲ့အခါ....
ချိုမြမွှေးကြိုင်တဲ့ ချောကလက်ရဲ့ အဘိဓာန်ထဲမှာ "အချစ်"ဆိုတဲ့ စကားလုံးက ထာဝစဉ်ပါနေခဲ့တယ်။ ဟိုးအရင်ကတည်းက ချောကလက်နဲ့နှင်းဆီပန်းဟာ ချစ်သူများနေ့မှာ မရှိမဖြစ်တဲ့ အချစ်အမှတ်တံဆိပ် ဖြစ်ခဲ့တယ်။
ချစ်သူများနေ့မှာ ကိုယ့်ချစ်သူကို ဘာဖြစ်လို့ ချောကလက် လက်ဆောင်ပေးကြသလဲ?
ရာဇဝင်ပုံပြင်မှာ ချောကလက်ဆိုတာ ဘုရားသခင်က လူသားတွေကိုပေးတဲ့ လက်ဆောင်ဖြစ်တယ်လို့ ဆိုထားတယ်။ ချောကလက်က လူတွေရဲ့နှလုံးသားထဲ ပျော်ရွှင်ခြင်းတွေကို သယ်ဆောင်ပေးလာနိုင်တယ်လို့ ဆိုတယ်။ သိပ္ပံပညာရှင်တွေရဲ့ လေ့လာချက်မှာ ချောကလက်ထဲ အဓိကပါဝင်တဲ့ ပစ္စည်းတစ်မျိုးဖြစ်တဲ့ phenyl amide က လူခန္ဓာထဲမှာရှိတဲ့ ဟိုမုန်းကို အပြောင်းအလဲဖြစ်စေပြီး လူတွေရဲ့နှလုံးခုန်နှုန်းကို ပိုမြန်စေတယ်၊ ခံစားချက်ကို ပိုပြင်းပြစေတယ်လို့ ဆိုတယ်။
သာမန်အားဖြင့် ချစ်သူများနေ့မှာ ချစ်သူနှစ်ဦးရဲ့ ခံစားချက်ကို အနီရောင်နှင်းဆီပန်းတစ်ပွင့်နဲ့ ခံစားပုံဖော်ကြတယ်။ ဖူးပွင့်စနှင်းဆီနီတစ်ပွင့်ဟာ ယောက်ျားလေးက ကိုယ့်ချစ်သူ မိန်းကလေးကိုပေးတဲ့ အကောင်းဆုံးလက်ဆောင်ဖြစ်တယ်။ မိန်းကလေးက ယောက်ျားလေးကို ကျေးဇူးတင်တဲ့အနေနဲ့ အသဲပုံချောကလက် ပြန်လက်ဆောင်ပေးကြတယ်။
ချစ်သူများနေ့မှာ ချောကလက် လက်ဆောင်ပေးကြတဲ့ အကြောင်းက--
ချိုမြမွှေးကြိုင်ပြီး နူးညံ့သိမ်မွေ့တဲ့၊ ချစ်ခြင်းရဲ့အရသာနဲ့ပြည့်ဝတဲ့ ချောကလက်ဟာ ရိုမန်တစ်ဆန်တဲ့နေ့ရက်တွေ၊ အထိမ်းအမှတ်နေ့တွေမှာ လူကြိုက်များတဲ့ လက်ဆောင်တစ်ခုဖြစ်ခဲ့တယ်။ လူတွေက ချောကလက်နဲ့ သူငယ်ချင်း၊ ချစ်သူ၊ မိသားစုတွေကို ချစ်ခြင်း၊ ပျော်ရွှင်ခြင်း၊ တောင်းဆုတွေ လွှဲပေးကြတယ်။
လူတိုင်းမှာ ချောကလက်ကို နှစ်သက်တဲ့ အကြောင်းပြချက် ကိုယ်စီရှိကြတယ်။ ပါးစပ်ထဲ တဖြေးဖြေး အရည်ပျော်သွားတဲ့ ချောကလက်က လူကို ထူးခြားတဲ့ခံစားချက်တွေ ဖြစ်စေတယ်။
"ရိုမန်တစ်ဆန်ခြင်း၊ နုပျိုခြင်း၊ ကျန်းမာခြင်း၊ ဂရုစိုက်ခြင်း၊ ချစ်ခင်ခြင်း၊ ပျော်ရွှင်ခြင်း၊ ခွန်အားဖြစ်ခြင်း.." စတဲ့ ခံစားချက်ကို ချိုမြမွှေးကြိုင်တဲ့ ချောကလက်ပေးနိုင်တယ်။
ချောကလက်ရဲ့ချိုမြတဲ့ အရသာကို လူတွေမလွန်ဆန်နိုင်ကြသလို များသောအားဖြင့် လူတွေက ချောကလက်ရဲ့အရသာထဲကနေ လူ့ဘဝကို ခံစားပုံဖော်ကြတယ်။ လူအများရဲ့နှလုံးသားထဲက လှပတဲ့ အမှတ်တရတွေ၊ ပျော်ရွှင်ခြင်းတွေဟာ ချောကလက်ရဲ့ ချိုမြိန်မွှေးကြိုင်တဲ့ အရသာလိုပဲ ပြန်ပြန်အောင်းမေ့စေတယ်။ တမ်းတသတိရစေတယ်။
တချို့က ချောကလက်က ချိုတယ်လို့ဆိုတယ်။
တချို့က ခါးတယ်လို့ဆိုတယ်။
တချို့က ပျော်ရွှင်တယ်လို့ဆိုတယ်။
တချို့က မျှဝေတယ်လို့ဆိုတယ်။
လူတွေကိုပေးတဲ့ ချောကလက်ရဲ့ ခံစားချက်က စားစရာတစ်ခုဆိုတာထက် ပိုနေခဲ့တယ်။ အချစ်ပင်လယ်ထဲ မျောနေသူတွေရဲ့ ရင်ထဲမှာ ချောကလက်ဟာ မြဲမြဲတွဲထားတဲ့ လက်နဲ့တူနေခဲ့တယ်။ လူတွေဟာ တစ်ဘက်မှာ ချောကလက်ရဲ့ ချိုမြိန်တဲ့အရသာကို ခံစားရင်း အခြားတစ်ဘက်မှာ လူကိုရင်ခုန်လှုပ်ရှားစေတဲ့ အချစ်အကြောင်းတွေကို ဖော်ညွန်းကြတယ်။
ချောကလက်ရှိတဲ့နေ့ရက်က ပျော်ရွှင်ချိုမြိန်တဲ့ နေ့ရက်တွေပဲဖြစ်တယ်။