ရခိုင်ပြည် စစ်တွေ တရားရုံးမှာ အစိုးရသက်သီ အမျိုးသမီးက - သူမရေ နအဖ စစ်အစိုးရ၏ ဖမ်းဆီး စွပ်စွဲစွာ ခံနိန်ရရေ ရခိုင် သမိုင်းသုတေသီ ဆရာတော်နန့် ဖောက်ပြားခြင်း မရှိခပါလို့ ထွက်ဆိုလိုက်ပါရေ။
...
စစ်တွေက ရခိုင်သမိုင်းသုတေသီ ဦးပညာစာရနန့် သူမရေ မဖောက်ပြန်ခပါလို့ အစိုးရ သက်သီ ဒေါ်မာလာက တရားရုံးမှာ ထွက်ဆို ခစွာပါ။ ရဲစခန်းမှာတုန်းက ဆရာတော်နန့် ဖောက်ပြားလို့ အချေ နှစ်ယောက် ရခပါရေလို့ ထွက်ဆိုရစွာရေ - တိုင်ကြားသူ စံရဖွေတိက ဖေသာ သိန်း ၂၀ ပီးဖို့ဆိုပြီးကေ၊ စည်းရုံးကတ်လို့ ယင်းပိုင် မမှန်မကန် ထွက်ဆိုခစွာပါ ဆိုပြီးကေ၊ တရားရုံးမှာ ထွက်ဆိုပါရေ။
...
တစ်ဖက်က စံရဖွေ-ထွန်းသိန်း (ဦးပညာစာရကို လုပ်ကြံ တိုင်ကြားသူ) ရို့က ဘုန်းကြီးကျောင်းကို တိုက်ခိုက်ဖို့ လုပ်နိန်ကတ်တေ။ ယင်းအချိန်မှာ အကျွန့်ကို လာစည်းရုံးရေ။ ဖေသာ ပီးဖို့ ဆိုပြီးကေ- ယင်းပိုင် လာပနာ စည်းရုံးလာရေ။ ယင်းအတွက်ကြောင့် ဒေပိုင်-ရဲစခန်းမှာ၊ ယင်းအချိန်က မဟုတ်မမှန် ထွက်ဆိုခစွာ ဖြစ်ပါရေ ဆိုပြီးကေ၊ ဖြေရှင်းချက် ပီးပါရေ။

ရဲကို တိုင်ကြားရေ စံရဖွေ-ထွန်းသိန်းရို့ ဦးဆောင်ရေ ကော်မတီစွာ ဆရာတော်၏ လူမှု ကယ်ဆယ်ရေး လုပ်ငန်းတိ ချောမွိ့အောင်လုပ်ဖို့၊ ဆရာတော်က ဖွဲ့ထားရေ ကော်မတီ ဖြစ်ပါရေ။ ဆရာတော်၏ လုပ်ငန်းတိ အောင်မြင်ကြီးပွားလာရေအခါ မက်မောလာပြီးကေ၊ ဆရာတော်ကို ဖယ်ရှားဖို့ ကြိုးပမ်းစွာ ဖြစ်နိုင်ရေလို့ ဒေသခံက ထင်မြင်ချက် ပီးပါရေ။

http://burmese.dvb.no/news.php?id=11902

(အောက်က ပိုစ်မှာ တင်ပြပီးရေ ကိုမောင်သာဦးကို ကမ္ဘာလောက် ကျေးဇူးတင်ပါရေ။ ကိုမောင်သာဦး တင်ပြီးသားကို ပြည်တွင်းက DVB ဆိုက် ဖွင့်ရခက်တေ ရခိုင်ပြည်သူတိအတွက် ဖတ်ရ လွယ်အောင် ရည်ရွယ်ပနာ- ရခိုင်ခြင်းနန့် တစိချေ ဖြည့်စွက်လိုက်စွာပါရာ။)