မိခင်တို့မည်သည်....
Geschrieben am 05.06.2010 von
shweyoat
“အီးဟီးဟီး ..အဖေရယ်.. အဖေမရှိတော့ရင် လူပုံအလည်ဘယ်မျက်နှာနဲ့နေရမှာတုန်း”
“ဟဲ့ ပန်းကဗျာ နင်ကဘယ်သူ့ မျက်နှာပြောင်းချင်လို့လဲ”
ကုတင်ပေါ်မှာလောကကြီးကို စွန့်ခွာဖို့ အားလုံးပြင်ဆင် ခဲ့ပါတယ်။ အဲ့လိုပြင်ဆင်ဖို့ တုန်လှုပ်ခြောက်ခြားဝမ်းနည်းမှုတွေကို တိုက်ထုတ်ရသလို၊ တစ်ကောင်ကြွက်ဖြစ်ကျန်ခဲ့မယ့် သမီးလေးပန်းကဗျာအတွက်လဲ နှစ်ကောင်ကြွက်ဖြစ်အောင် စီမံခဲ့ရပါသေးတယ်။ ခုတော့စိတ်ချလက်ချသွားနိုင်ပြီတဲ့။
“အီးဟီးဟီး..အဖေကလဲ စကားအဖြစ်ဥပမာပေးတာကို သမီးပြောချင်တာက အဖေသာမရှိရင် သောင်ပြင်မှာလွှတ်တဲ့ ဟိုဟို....”
ပန်းကဗျာ လက်တစ်ချောင်းထောင်ပြီး စကားကပြူတစ်ပြူတစ်ဖြစ်နေတော့ အဖေရောဂါသည်ကြီးက စိတ်မရှည်ဘဲ
“ခွေးလို့ပြောလိုက်ပါသမီးရယ်”
“ဟင့်....ပြောလို့မဖြစ်လို့ပေါ့အဖေရယ်...သမီးခွေးဖြစ်တာအရေးမကြီးပေမယ့် ...ဟင့် ...မျိုးရိုး ကိုထိခိုက်မှာစိုးလို့ပေါ့အဖေရယ်....”
“ဟင် ...ဟုတ်တယ် ခွေးမဟုတ်ဘူး..”
“အဖေသမီးကိုထားမသွားနဲ့နော်.......အီးဟီးဟီး...”
ဦးဘမော်သက်ပြင်းချလိုက်တယ်။ ပြီးတော့ အားလုံးသမီးလေးကိုပြောပြရဦးမယ်လေ”
“သမီးရယ် အဖေသိပါတယ်။ အခုရွာတောင်ပိုင်းက ဒေါ်ပုမကြီးဆုံးသွားတယ်မဟုတ်လား ။သမီးရယ် နာရေးကူငွေတွေများအောင် အဖေလေ လစာထုတ်ပြီး(၁)ရက်နေ့ နောက်ပြီးရုံးပိတ်ရက် စနေတနင်္ဂနွေမှာ အဖေရက်လည်အောင် ဒိတ်နဲ့တိုက်ပြီးအတိအကျသေပါ့မယ် သမီးရယ်...မင်္ဂလာဆောင်သလိုပေါ့...”
“အီးဟီးဟီး အဖေရယ် သေတာတောင် သမီးအတွက်ဆိုပြီးကြည့်တဲ့အဖေရဲ့...”
“ငိုမနေပါနဲ့ အဖေမသေသေးဘူး လလည်ဘဲရှိသေးတယ် ။ လကုန်ခါနီးမှ သေမှာနော်..အဲ့ကျငိုဖို့ချန်ထားဦး သမီးဒီနေ့ မောင်မြတ်ဘုန်းလာလိမ့်မယ်။ သမီးရဲ့ဖူးစာရှင် သူနဲ့သမီးလက်ဆက်ရမယ် ..သူလဲတစ်ကောင်ကြွက် ဆိုတော့ နှစ်ကောင်ကြွက်ဖြစ်ကြပေါ့”
ပန်းကဗျာ အတိတ်ကို ပြန်စဉ်းစားရင်းမျက်ရည်တွေကျနေပါတယ်။ ခုဆို အဖေဆုံးတာ တစ်နှစ်ကျော်ခြဲု့ပီ သမီးတို့ နှစ်ကောင်ကြွက်ဘ၀ကနေ သုံးကောင်ကြွက်ဖြစ်တော့မယ် အဖေရဲ့ စဉ်းစားရင်း ဗိုက်ကို ကိုင်လိုက်တော့ အထဲက ကလေးလှုပ်နေတာကြောင် ပန်းကဗျာပြုံးလိုက်ပါတယ်. နောက်တစ်လဆိုမွေးတော့မယ် . နာရီ့ကိုကြည့်တော့ ညကိုးနာရီခွဲနေပြီ ။နောက်မကျဖူးသောမောင် နောက်ကျနေပါလား။
“မိန်းမရေ မိန်းမ..”
စဉ်းစားနေတုန်း မောင့်အသံကိုရုတ်တရက်ကြားလိုက်မိလို့လန့်သွားပါတယ်။ မောင့်ကိုတံခါးပြေးဖွင့် ပေးတော့ မောင့်မျက်နှာကမကောင်း..
“မောင်နောက်ကျလှချီလား..ဒီမှာကဗျာထမင်းစားဖို့စောင့်နေတယ်..ဟင်မောင်...”
စိတ်ညစ်လာတဲ့အထဲမှာ ပန်းကဗျာအော်လိုက်တာမို့ လန့်သွားသောကြောင့်
“ဟာလန့်လိုက်တာ ဘာလဲကွာ..”
“ဟင်မောင် လုပ်ရက်တယ် ... မောင်တော့ကျိုးပြီ...”
“ဟာဘာကျိုးတာလဲကွာ...”
“ငါးပါးသီလကျိုးတာလေ ..အရက်တွေသောက်လာတယ်မဟုတ်လား”
စိတ်ညစ်တာက ညစ်တာဘဲ ... ပန်းကဗျာ အဲ့လိုပေါက်ကရပြောတတ်တာတွေကြောင့် အရင်က စိတ်ညစ်တာပျောက်ပေမယ့် ခုတော့
“နဲနဲပါ...နဲနဲဘဲသောက်လာတာပါ...”
နဲနဲပါလို့ဘဲပြောနိုင်တဲ့မောင် အိပ်ယာပေါ်ကိုပစ်ကျသွားပါတယ်။ သူများမှားတဲ့သိန်းသုံးဆယ်ကို လျှော်ရမယ်တဲ့ တာဝန်ရှိတယ်ဆိုဘဲလေ။ တစ်လမှ လစာသုံးသိန်း၊ဆယ်နှစ်လုပ်မှ ကြေမယ့်ငွေပမာဏပါဘဲ မှားတဲ့သူလျှော်ပစေပေါ့ ခုတော့ ...ရွာကနေလာကတည်းက ရန်ကုန်မြို့ထဲမှာ အိမ်နဲ့ခြံဝယ်ဖို့ ရွှုာကဟာတွေအကုန်ရောင်းခဲ့တာ ..ခုနောက်ပိုင်းရက်တွေမှာမောင် အရင်က မသောက်ဖူးသော အရက်တွေသောက်ပြီး နေတိုင်းလိုပင် ကျိုး (ငါးပါးသီလ) လာပါတော့တယ်။
............................
ROSEY တံဆိပ် အကျီအမျိုးမျိုးထုတ်လုပ်တဲ့ကုမ္ပဏီကနေ ကိုယ်ဝန်ဆောင် အင်္ကျီဝတ်ပြီးcatwalk လျှောက်ပြိုင်ပွဲံတဲ့ မောင်ရေ ..ပထမဆုရတဲ့ကိုယ်ဝန်ဆောင်မယ်ကို သိန်းသုံးဆယ်တဲ့..”
ဒီနေ့လဲမောင်အရက်တွေမှုးလာပါတယ်။ တီဗွီအစီစဉ်က ကြေငြာကိုကြည့်ကာ အားပါးတရ အော်လိုက်တဲ့ ပန်းကဗျာကို မြတ်ဘုန်း မျက်မှောင်ကျုံ့ ကြည့်ကာ
“အဲ့ဒါဘာဖြစ်လဲ..”
“..........“
မောင့်ကိုအဖော်စပ်လို့ပင်မရ ဒါကြောင့် ရေငုံနှုတ်ပိတ်လိုက်ရပါတယ် .(အဲ ရေမငုံဘဲနှုတ်ပိတ်လိုက်ရပါတယ်)
“ဘယ်မှာ မော်ဒယ်သင်တန်းတက်ခဲ့လဲ..”
“ဟင့်အင်း...”
“အာ ညီမက ကိုယ်ဝန်ကြီးနဲ့လား”
ပန်းကဗျာပြိုင်ပွဲဝင်ဖို့ ဖောင်သွားဖြည့်ပြီး လူတွေ့ စစ်ဆေးနေခြင်းဖြစ်ပါတယ်. ပန်းကဗျာရဲ့ ဗိုက်ကိုကြည့်ပြီးတအံ့တသြပြောလိုက်တာကြောင့် ပန်းကဗျာရီပြလိုက်ပါတယ် . ရီပြလိုက်ခါမှ ပါးချိုင့်လေးကခွက်ပြီး ဆံပင်လေးခါတာတာနဲ့ ချစ်စရာကောင်းမှန်းသိလိုက်ပါတယ်.
“မမတို့ပြိုင်ပွဲက ၀န်ကိုယ်ဆောင် အင်္ကျီဝတ်ပြီးcatwalk လျှောက်ရမယ် မဟုတ်လား ။အဲ့ဒါကိုယ်ဝန်ဆောင်တွေပြိုင်ဖို့မဟုတ်ဘူးလားလို့..”
“အဲ....”
အမှန်တော့မော်ဒယ်တွေနဲ့ပြိုင်စေချင်တာပါ ။ ဗိုက်ကြီးသည်တွေ မလျှောက်တက်လျှောက်တတ်နဲ့ ချော်လဲနေရင် catwalk လျှောက်ပြိုင်ပွဲကနေ သားဖွားမီးယပ် အထူးလေ့ကျင့်ရေးအေဂျင်စီ.ဖြစ်သွားမှာစိုးသောကြောင့်ပင်..
“ဒီလိုရှိတယ် ညီမလေးရဲ့ ...”
“ဟုတ်ကဲ့ မမ ညီမလေး catwalk ကောင်းကောင်လျှောက်တတ်ပါတယ် ..ရွာမှာနေတုန်းက ကန်စင်းရိုးမှာ လျှောက်နေကျ...နော်မမ..ညီမလဲပြိုင်မယ် လုပ်ပါမမရယ် ”
နောက်ဆုံးတော့ ပြိုင်လို့ရသွားပါတယ် ။ ကိုယ်ဝန်ဆောင်တဲ့သူတွေပြိုင်သင့်တယ်လို့ ထောက်ခံလို့ပေါ့..
ဒါပေမယ့် မောင့်ကိုမသိအောင်ပြိုင်ရမှာဖြစ်ပြီး ..အိမ်မှာလဲ မောင်အလုပ်သွားတဲ့အချိန်မှာမှန်ရှေ့မှာကောင်းကောင်းလေ့ကျင့်ရပါတယ်။ နောက် ပြိုင်ပွဲဝင်တဲ့နေ့မှာဂျူးဒိတ်ကလဲ ပြည့်နေပြီဖြစ်ပါတယ်။ ဒါပေမယ့် ...
မော်ဒယ်တွေ ဗိုက်ကိုခေါင်းအုန်းသေးသေးလေးတွေထည့်ပတ်နေချိန်မှာ ပန်းကဗျာတစ်ယောက် ဗိုက်ကိုပွတ်နေပါတယ်
“သားလေး မေမေနဲ့တူတူလမ်းလျှောက်မယ် ပထမဆုရအောင်ဆုတောင်းပေး ”
ပြိုင်ပွဲမှာ ထူးထူးဆန်းဆန်းတကယ်ကိုယ်ဝန်နဲ့ ပြိုင်မယ်ဆိုတော့ အောက်ကဒိုင်လူကြီးတွေနဲ့တာဝန်ရှိပုဂ္ဂိုလ်တွေက အထူးတလည်စောင့်ကြည့်နေကြပါတယ်။
တကယ်ကိုဘဲပြိုင်တော့လဲ တစ်ခါမှ စင်ပေါ်ကိုသေချာတတ်ပြီးမပြိုင်ဖုးပေမယ့် ... ကိုယ့်ကိုယ်ကိုယ်ယုံကြည်မှုအပြည့်နဲ့လျှောက်နိုင်ခဲ့ပါတယ်..
ပြိုင်ပွဲမှာ ဒိုင်လူကြီးအဆုံးအဖြတ်က ဆုရယ် ပရိတ်သတ်မဲအများဆုံးဆုရယ် ကြေငြာတော့ ပန်းကဗျာ ဗိုက်တွေအောင့်လာပါတော့တယ်။ပန်းကဗျာ ချွေးစေးတွေထွက်လာပါတယ် ။ မဖြစ်ဘူးဆိုပြီးဆုယူတာနားထောင်တော့ ပထမဆုနှစ်ဆုစလုံးကို ပန်းကဗျာရတော့ တကယ့်မော်ဒယ်လေးတွေပြေးလာပါတယ် ။ ဒီအချိန်မှာဘဲံ ပန်းကဗျာ....
...............................................
“မင်း မောင့်ကိုအသိမပေးဘဲဘာလို့သွားပြိုင်တာလဲ ပန်းကဗျာ ...ဟင်...တစ်ခုခုဖြစ်သွားရင် မောင်ဘယ်လိုလုပ်ရမှာလဲ ..”
ပြောလဲပြောပါတယ် ..ခုမှသမီးလေးမွေးပေးထားတဲ့ ပန်းကဗျာကို မပြောချင်ပေမယ့်လဲ ဂရုဏာဒေါသတွေက သိမ်းထားလို့မရအောင်ဘဲထွက်လာပါတယ် .....
ပန်းကဗျာကတော့ ဘယ်သူ့မှ ဘာမှမပြောဘဲ မောင့်လက်ကလေးကိုကိုင်ကာ ပြုံးနေပါတယ်...ဒါကိုဘဲ မြတ်ဘုန်း ကအသည်းယားကာ
“ဘာလို့လဲ ကဗျာရယ် ပိုက်ဆံလျှော်ရမှာမို့လား ... မောင်ယောင်္ကျားပါ...ခုလဲ ပိုက်ဆံ ပြန်ထွက်လာပါပြီ..တစ်နေရာမှာမှားသွားတာမောင်ပြန်စစ်
ပြန်လိုက်လုပ်လိုက်တယ်... ”
“ဖေကြီးရေ...”
ပန်းကဗျာက ခေါ်လိုက်တာကြောင့် ထူးထူးဆန်းဆန်းဆိုပြီးကြည့်လိုက်ပါတယ်။ပြီးတော့ ပြုံးသွားကာ
“ဗျာ မေကြီးရေ..”
“ဟီးဟီး... ကဗျာလေ..သမီးလေးအတွက်ပြိုင်တာပါ..သမီးလေးသိတတ်တဲ့အရွယ်ရောက်ရင် ပြောပြလို့ရတယ် ...သမီးလေးကိုမမွေးခင်သေးကတည်းက သမီးလေးဆုရတာလို့ဆိုပြီးတော့.....”
ပန်းကဗျာဆက်မပြောတော့ သူပြောမယ့်ရင်ထဲကစကားကိုလဲ မြတ်ဘုန်းသဘောပေါက်သွားပြီဖြစ်ပါတယ် ။ သမီးလေးရဲ့ မိခင်ပီသချင်တဲ့ သူ့ရဲ့ ဇနီးလေးလက်ကိုဆုပ်ကိုင်ကာ ပြုံးလိုက်ပါတယ်..... ဒီအချိန်မှာဘဲံ...
“ကလေးကိုနို့တိုက်လို့ရပါပြီရှင်.........”
........................................................
ပြုံးပျော်နိုင်ပါစေ
ရွှေရုပ်