ဆိုက်ပရပ်စ်နိုင်ငံမှာရှိတဲ့ အမျိုးသားများရဲ့ လက်ထဲက ပုတီး

Geschrieben am 21.03.2011 von nan_ma_wa

လွန်ခဲ့တဲ့ (၆)နှစ်ခွဲတုန်းကပေါ့ရှင်.....
ဆိုက်ပရပ်စ်နိုင်ငံကို “စ”ရောက်ခဲ့စဉ်က ဆိုက်ပရပ်စ်နိုင်ငံမှာရှိတဲ့ အရွယ်ရောက်ပြီးသော ဆီပရိယို အမျိုးသားတိုင်းလိုလိုရဲ့ လက်ထဲမှာ ပုတီးလေးတွေကိုင်ထားတာကို ကျမ အံ့သြစွာတွေ့ခဲ့ရတယ်။
သူတို့ဟာ အဲဒီပုတီးလေးကို လက်ညှိုးလေးမှာပတ်ပြီး လှည့်ပတ်ကစားနေလေ့ရှိတယ်။
စိတ်ထဲကလည်း “ဒီနိုင်ငံသားတွေ တော်တော်ကို ဘုရားတရားမြဲတာပဲ.. ပုတီးကို လက်က မချဘူး” ပေါ့လေ..။
“အ” ခဲ့ပုံပြောပါတယ်..။

နောက်(၁)နှစ်လောက်နေတော့ ဆီပရိယိုလူမျိုးတွေနဲ့ ကျမရင်းနှီးလာတဲ့အခါမှာတော့ အဲဒီပုတီးလေးအကြောင်း မေးဖြစ်ခဲ့ရင်း ကျမ သိခဲ့ရတာကတော့...
အဲဒီပုတီးကို Komboloi (ကုမ်ဘိုလိုရိ) လို့ခေါ်ပါတယ်။
အင်္ဂလိပ်လို Worry beads ( စိုးရိမ်မှုများကို ဖြေဖျောက်ပေးသည့်လုံးဝိုင်းသော ပုတီးလုံးများ) လို့ အဓိပ္ပါယ်ရပါတယ်။

Worry beads များကို တူရကီနိုင်ငံမှ စတင်အသုံးပြုခဲ့ရာမှ ဂရိနိုင်ငံနှင့်ဆိုက်ပရပ်စ်နိုင်ငံများသို့ တဖြည်းဖြည်းကူဆက်လာခဲ့တယ်လို့ သိခဲ့ရတယ်။
ရိုမန်ကက်သလစ်ဘုန်းတော်ကြီးများ ကိုင်ဆောင်သော စိတ်ပုတီးများနှင့် ဆင်တူပြီး
ပုတီးလုံးအရည်အတွက်မှာ (၂)နှင့် စား၍ မပြတ်သော “မ”ဂဏန်းအရည်အတွက်ဖြစ်သည်။
များသောအားဖြင့် (၃)၊ (၁၇)၊ (၁၉)၊ (၂၃)၊ (၃၇) လုံးရှိသော ပုတီးကုန်းများကိုတွေရသည်။
ပုတီး၏ အသားမှာ လေး၍ ပုတီးတလုံးနှင့်တလုံး ထိရိုက်ပါက အသံမြည်နိုင်သော သတ္တု၊ ကျောက်၊ ဖန်၊ ပလပ်စတိတ် အသားများကို လှပသော အရောင်ဒီဇိုင်းများဖြင့်ပြုလုပ်ကြသည်။



ခိုင်ခံ့သော ကြိုးဖြင့် သီကုန်းထားသော ပုတီးကုန်းတွင် ပုတီးလုံးများကို ထိရိုက်ကစားနိုင်ရန် နေရာအလွတ်အနည်းငယ်ထားရှိပေးထားသည်။
သာမန်ပုတီးကုန်းကဲ့သို့ပင် ပုတီးစေ့လေးများ ကြိုးကုန်းမှ ထွက်ကျမသွားစေရန် ထိပ်နှစ်ဘက်တွင် ထိပ်ပိတ်များဖြင့် ခိုင်ခန့် မြဲမြန်စွာ ခြည်နှောင်ပြီး လှပသောဒီဇိုင်းအဖြစ် ဖန်တီးထားသည်။
ပုတီးကုန်း၏ အရွယ်အစားမှာ ဒေါင်လိုက်လက်ဖဝါးအရွယ်ခန့်ရှိသည်။




Worry beads ဟုခေါ်သော “ကုမ်ဘိုလိုရိ” ပုတီးလေးများကို ကိုင်ဆောင်ကြသည့် ရည်ရွယ်ချက်မှာ
၁။ လွင့်မြောနေသောစိတ်ကို တည်ငြိမ်စေရန်၊
၂။ လှုပ်ရှားနေသောစိတ်ကို ထိန်းချုပ်နိုင်ရန်၊
၃။ စိတ်ဖိစီးမှုများကို လျှော့ကျစေရန်၊
၎။ အထူးသဖြင့် ဆေးလိပ်သောက်သုံးသူများ ဆေးလိပ်သောက်သုံးမှုလျှော့ကျစေရန် အာရုံပြောင်းရင်း ပုတီးလုံးလေးများကို လက်ချောင်းများကြားတွင် ကစားရင်း မိမိတို့၏ စိတ်ကို တည်ငြိမ်အောင်လုပ် ဖန်တီးယူရန် ထိုပုတီးကို အသုံးပြုကြခြင်းဖြစ်သည်။
တချို့ကတော့ Style တခုအနေနှင့် အသုံးပြုကြသည်။
ဆိုက်ပရပ်စ်နိုင်ငံက အမျိုးသားများကိုင်ဆောင်သော Worry Beads (သို့) ကုမ်ဘိုလိုရိ ပုတီးကစားနည်းကို Video File နှင့်တကွ ဖော်ပြရင်း
လက်ထဲမှာ ပုတီးကိုင်ထားတိုင်း ကျမ တွေးထင်ခဲ့သလို မတွေးကြစေဖို့... ဗဟုသုတအနေဖြင့် တင်ပြလိုက်ရပါတယ်ရှင်...။




မှတ်ချက်။ ။ တိုက်ဆိုင်လို့ ရီစရာ တခုပြောပြရအုံးမယ်...
ကျမ အလယ်တန်းကျောင်းသူဘဝကပေါ့...
ကျမမှာ “နန်းသုမာအောင်” ဆိုတဲ့ သူငယ်ချင်းတယောက်ရှိခဲ့ဖူးတယ်။
သူ့ပုံစံလေးက ထက်ထက်မိုးဦးလိုပုံစံလေးပါ။ ကျောင်းမှာတော့ Star ပေါ့..။
သူနဲ့ကျမကျောင်းကို အတူတူသွားလေ့ရှိတာကြောင့် သူအမြဲကိုင်ထားလေ့ရှိတဲ့ သူ့လက်ထဲက ဘုရားစာအုပ်လေးတအုပ်ကို ကျမ သတိပြုမိခဲ့တယ်။
သူဟာ အဲဒီစာအုပ်ကို ဘယ်သွားသွား လက်က မချတဲ့အတွက် သူ့ကို ဘာသာတရားကိုင်းရှိုင်းတဲ့သူပဲလို့ စိတ်ထဲက ကြိတ်ပြီးလေးစားခဲ့တာ အမှန်ပါ။
ကျမတို့ကျောင်းဟာ အမှတ်(၃)မင်္ဂလာတောင်ညွန့် (အဆိုတော် မကော်နီ၊ သရုပ်ဆောင် နဝရတ် တို့ဟာ ကျမတို့ကျောင်းကပါ)။
မိန်းခလေးသီးသန့် ကျောင်းဖြစ်တဲ့အတွက် အချစ်တော်ကိစ္စ၊ ရည်းစားကိစ္စများ အလွန်ခေတ်စားပါတယ်။
တနေ့တော့ ကျမတို့ကျောင်းမှာ surprise check အနေနဲ့ ဆရာမများက ကျောင်းသူများကို အတန်းပြင်ထွက်ခိုင်းပြီး လွယ်အိတ်များထဲမှ ရည်းစားစာများ၊ အချစ်တော်စာများကို စစ်ဆေးပါတယ်။ ကျမတို့လည်း လွယ်အိတ်တလုံးချင်းစီကို စစ်ဆေးနေတဲ့ ဆရာမများကို အတန်းအပြင်ကနေ လက်ပိုက်ပြီးကြည့်နေကြတာပေါ့ရှင်...။
အဲဒီမှာပဲ ကျမသူငယ်ချင်းဟာ အလန့်တကြား ထအော်ပါတော့တယ်..။
ကျမလည်း “ဘာဖြစ်လို့လဲ” လို့မေးတော့..
သူပြန်ဖြေလိုက်တာက...
“ငါ့ရည်းစားစာတွေနဲ့ အချစ်တော်စာတွေကို ဘယ်သူမှ မသိအောင် ငါကိုင်နေကျ ဘုရားစာအုပ်ကြားထဲမှာ ဝှက်ထားတာ... အခုတော့ အဲဒီစာအုပ်လေးကို ဆရာမသိမ်းသွားပြီ... ငါ့အကြောင်းတော့ ပေါ်ပါပြီ”...တဲ့လေ...။
ကျမလည်း ပါးစပ်အဟောင်းသားနဲ့ ဘာပြောရမှန်းမသိအောင်ဖြစ်ခဲ့ရပါတယ်..။
ကျမကိုယ်တိုင်က သူ့ကို ဘာသာတရားကိုင်းရှိုင်းတဲ့သူအဖြစ် သတ်မှတ်ခဲ့မိတာကိုး.... ..... ....